Şəki icra hakimiyyətinin internet səhifəsinin təqdimatı olmuşdur

30-07-2008 / 16:45
Iyulun 29-da Şəki Şəhər İcra Hakimiyyətinin akt zalında qurumun rəsmi internet səhifəsi təqdim olunmuşdur. Mərasimdə şəhər icra hakimiyyəti başçısının müavini Zərinə Cavadova yeni “veb-səhifə”nin açılmasını Şəkinin ictimai-siyasi və mədəni həyatında çox əlamətdar hadisə kimi qiymətləndirmiş, “aztelekom.net” internet provayderinin Şəki bölgəsi üzrə mütəxəssislərinə minnətdarlığını bildirmişdir. Şəhər icra hakimiyyətinin baş mütəxəssisi Sahib Əlişanbəyli zalda quraşdırılan monitorun köməyi ilə yeni internet səhifəsinin xüsusiyyətləri barədə məlumat vermişdir. Qeyd edilmişdir ki, səhifədə şəhərin tarixi, coğrafi mövqeyi, əhalisi, iqtisadiyyatı, mədəniyyəti, görkəmli şəxsiyyətləri, turizm potensialı və digər sahələrlə bağlı geniş məlumatlar toplanmışdır. İnternet istifadəçiləri saytın köməyi ilə Şəkinin gündəlik həyatında baş verən yeniliklər barədə operativ məlumat almaq imkanı əldə edəcəklər. “Veb-səhifə”nin açılması şəhər icra hakimiyyətinin daha səmərəli və intensiv fəaliyyət göstərməsinə şərait yaradacaq, vətəndaşlarla daha sıx ünsiyyət qurmağa, onların şikayət və təklifləri ilə daha yaxından və operativ tanış olmağa imkan verəcəkdir. Şəhər icra hakimiyyətinin başçısı Nazim İbrahimov “veb-səhifə”nin yüksək səviyyədə tərtibinə görə onun yaradıcılarına minnətdarlığını bildirmiş, vətəndaşları yeni internet səhifəsinin imkanlarından yararlanmağa çağırmışdır.

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə