Xeberler.az məlumat verir ki, İnternet Formunun Prezidenti (AİF), ekspert Osman Gündüz regionlarda olan elektron hökumət quruculuğunun vəziyyətinə münasibət bildirib. Onun sözlərinə görə, yerli icra hakimiyyətlərinin (şəhər və rayon) vətəndaşlara göstərdikləri təxminən 25 – 41 sayda xidmət var.
Bu xidmətlərin xeyli hissəsi ictimai əhəmiyyət kəsb edir və populyar dövlət xidmətləridir.
Ekspert bildirir ki, qəribə də olsa indiyədək bu xidmətlərin 99%-i elektronlaşmayıb.
Mərkəzi icra orqanlarında elektronlaşma səviyyəsi xeyli yüksəlsə də, bu qurumlar tərəfindən 500-dək elektron xidmətlər təklif olunsa da, yerli icra orqanlarında vəziyyət hədsiz dərəcə pisdir.
Dövlət Xidmətlərinin reyestri olan dxr.az resursuna nəzər saldıqda isə görmək olur ki bu sahədə ciddi problemlər var .
Onun sözlərinə görə, Bakı şəhər İcra Hakimiyyəti və onun tabeliyində olan rayonların göstərdikləri təxminən 30-dək xidmətin heç birisi elektronlaşmayıb. Gəncə Şəhəri İcra Hakimiyyətinin təqdim eldiyi 15 xidmətin heç birisi elektronlaşmayıb. Sumqayıt Şəhər İcra Hakimiyyətinin 31 xidmətinin heç birisi elektronlaşmayıb. Ümumiyyətlə rayonların əksərində təxminən 40-dək dövlət xidməti var ki , onların demək olar heç biri elektronlaşmayıb.
Regional eGov quruculuğunun fəaliyyətinə də münasibət bildirən ekspert bildirib ki, həmin qurum ilə bağlı indiyədək hər hansı konseptual sənəd hazırlanmayıb.
Ekspert düşünür ki, regional eGov-la bağlı konsepsiyanın və Dövlət Proqramının hazırlanması, çox vacibir.
Onun sözlərinə görə VXSİ Dövlət Agentliyi və eGov Inkişaf Mərkəzi tərəfindən bu istiqamətdə ciddi səylər göstərilməlidir. Əks halda, yerli və mərkəzi icra orqanları arasında rəqəmsal bərabərsizlik çox sürətlə yüksələcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri