Sentyabrda Regional Treninq Mərkəzinin açılışı olacaq

25-08-2015 / 13:13

Sentyabrın 16-17-də Ümumdünya Poçt İttifaqının (ÜPİ), Regional Rabitə Birliyinin (RRB), Moskva Rabitə və İnformasiyalaşdırma Texniki Universitetinin birgə təşkilatçılığı ilə yaradılan Regional Treninq Mərkəzinin açılışı olacaq və ilk treninqi keçiriləcək.

Rabitə və Yüksək Texnologiyalar Nazirliyindən Xəbərlər-ə bildirilib ki, Moskva Rabitə və İnformasiyalaşdırma Texniki Universitetinin nəzdində yaradılan mərkəz region ölkələri üçün nəzərdə tutulub. Mərkəzdə MDB məkanından olan mütəxəssislərə öz bilik və bacarıqlarını artırmaq istiqamətində müxtəlif mövzular üzrə seminarlar təşkil olunacaq. İki gün davam edəcək treninqdə region ölkələrinin hər birində poçt sahəsində çalışan nümayəndələr iştirak edəcəklər.

Bu barədə məlumat verən Rabitə və Yüksək Texnologiyalar Nazirliyinin poçt sektorunun müdiri Novruz Məmmədov qeyd edib ki, ilk treninq beynəlxalq poçtun inkişafı, ÜPİ-nin xidmətin keyfiyyətinin artırılması fondundan istifadə və bu sahədəki dünya təcrübələrinin öyrənilməsi, əldə olunan biliklərin bölüşdürülməsi kimi mövzuları əhatə edəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.