Şirkətlər kompüter satışını sürətləndirmək üçün səylərini birləşdirib

15-10-2015 / 15:51

Intel, Microsoft, Hewlett-Packard, Dell və Lenovo kompüter istehsalçıları fərdi kompüterlər bazarında vəziyyəti yaxşılaşdırmaq məqsədilə səylərini birləşdirərək alyans yaradıblar.

Xeberler.az xarici mətbuata istinadən bildirir ki, alyans ilk öncə məqsədi potensial alıcılara fərdi kompüter alışından əldə edilən faydanı çatdırmaq olan PC Does What? adlı geniş reklam kampaniyası təşkil etmək qərarına gəlib. Televiziya reklam çarxlarında və onlayn reklamda tamaşaçılar müasir kompüterlərin nəyə qadir olmasını və onların insan həyatını necə dəyişə bilməsini görmək imkanı əldə edəcəklər.

Tarixən kompüter reklamına əsas töhfəni Intel və Microsoft şirkətləri verib, lakin bu dəfə iri fərdi kompüter istehsalçıları bu işdə həmkarlarına dəstək olacaqlar. Reklam kampaniyası əvvəlcə ABŞ və Çində işə salınacaq.

Kampaniyaya xərclənən məbləğ barədə məlumat verilməsə də, bəzi məlumatlara görə, onun büdcəsi bu bazar seqmentində illik reklam xərclərinə bərabər olacaq ki, bu da 300 milyard dollar deməkdir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.