Fərdi kompüterlərin satışı azalıb

12-07-2015 / 18:59

International Data Corporation (IDC) analitik şirkətinin hesabatına görə, fərdi kompüterlərin satışı gözlənildiyindən daha çox azalıb.

Xeberler.az məlumat verir ki, bu ilin aprel-iyun aylarında fərdi kompüterlərin qlobal miqyasda tədarükü 66,1 milyon ədəd təşkil edib. Bu göstərici ötən ilin eyni dövrü ilə müqayisədə 11,8 faiz azdır.

IDC ekspertlərinin fikrincə, mənfi dinamika daha çox onunla əlaqədardır ki, hazırda istehlakçılar və şirkətlər fərdi kompüter və noutbuk almağa tələsməyərək yeni Windows 10 əməliyyat sisteminin istifadəyə verilməsini gözləyirlər. Kompüter sahəsinə mənfi təsir göstərən amillərdən biri də valyuta məzənnələrinin dəyişməsidir ki, bunun da nəticəsində fərdi kompüterlər əksər ölkələrdə bahalaşıb.

Hesabata görə, ABŞ kompüter bazarının həcmi 2015-ci ilin ikinci rübündə illik hesablamada təxminən 3,3 faiz azalaraq 16,4 milyon ədəd təşkil edib. Qeyd olunub ki, azalma Apple və Lenovo markalı qurğuların satışı ilə bağlı olub.

Digər iri şirkətlərdə də fərdi kompüterlərin satış həcmi aşağı düşüb. Ötən rübdə Avropa, Yaxın Şərq və Afrika regionunda fərdi kompüterə tələbat az olub.

 
 
Xeberler.az

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.