Smartfon internetə daxil olmaq üçün əsas vasitədir

20-08-2015 / 16:01

Britaniyalıların əksər hissəsi smartfondan internetdə iş üçün əsas alət kimi istifadə etməyə başlayıb. Bu rolda smartfon əvvəlki lider noutbuku ikinci yerə sıxışdırıb. Bu barədə Ofcom mobil operatoru tərəfindən aparılan tədqiqatda deyilir.

Xeberler.az RYTN-in rəsmi saytına istinadən məlumat verir ki, tədqiqat nəticələrinə görə, artıq Böyük Britaniya sakinlərinin 33 faizi smartfonu internetə daxil olmaq üçün əsas alət hesab edir, halbuki noutbukda bu göstərici 30 faiz təşkil edir.

Ümumilikdə ingilislərin 66 faizi smartfon sahibidir və onlar qurğulardan orta hesabla gündə iki saat istifadə edirlər. Maraqlıdır ki, 55-64 yaş qrupunda smartfon sahiblərinin sayı 19 faizdən 50 faizədək artıb.

Ölkə sakinlərinin 54 faizindən çoxu planşetə malikdir. 2011-ci ildə isə planşetə onların yalnız 2 faizi sahib olub.

Facebook şəbəkəsindən yaşlı ingilislərin təxminən hamısı (97 faiz) istifadə edir. Bundan başqa, rəyi soruşulanların 48 faizi bildirib ki, sosial şəbəkələrdən yalnız Facebook-dan yararlanır.

Smartfonların mövqeyinin möhkəmlənməsini Ofcom nümayəndələri daha sürətli LTE şəbəkələrinin yayılması ilə izah edirlər. Belə ki, təkcə ötən il ölkədə bu şəbəkələrdən istifadə edən abunəçilərin sayı 2,7 milyondan 23,6 milyonadək yüksəlib.

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.