Alternativ autentifikasiya üsulları populyarlaşır

22-07-2015 / 10:59

Accenture şirkətinin tədqiqatları göstərir ki, əksər istifadəçilər ad və parollardan istifadədən yorulub və alternativ autentifikasiya üsullarında maraqlıdır.

Xəbərlər-in RYTN-nin rəsmi saytına istinadən verdiyi məlumata görə, ekspertlər hesab edir ki, hazırda biometrik autentifikasiya texnologiyalarına potensial tələbat duyulur.

İstifadəçilər ənənəvi parolları və PİN-kodları digər autentifikasiya metodları ilə əvəzləmək istəyir. Respondentlərin 60 faizi istifadəçi adlarını və parolları narahat hesab edir, 77 faizi internetdə informasiya mühafizəsinin alternativ üsullarından istifadədə maraqlıdır.

Tədqiqatdan məlum olub ki, istifadəçilərin alternativ autentifikasiya üsullarına hazırlığı ölkələrdən asılıdır. Belə ki, Çin istifadəçilərinin 92 faizi və Hindistan istifadəçilərinin 84 faizi standart parollar əvəzinə digər autentifikasiya üsullarını sınaqdan keçirməyə hazırdır. Braziliya, Meksika və İsveçdə belə istifadəçilərin sayı 78 faiz, ABŞ-da 74 faiz təşkil edir.

Dünya istehlakçılarının 46 faizi öz fərdi məlumatlarının təhlükəsizliyinə əmindir. Bununla yanaşı, bu məsələdə inkişaf etməkdə olan ölkələrin sakinlərinin əminliyi inkişaf etmiş ölkələrin sakinləri ilə müqayisədə müvafiq olaraq 50 və 42 faiz təşkil edir.

Sorğu zamanı 2014-cü ilin oktyabr-noyabrında 24 ölkədə 24 min istifadəçinin rəyi öyrənilib.

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.