Piyadalar yolu telefondan ayrılmadan keçirlər- Araşdırma

16-11-2015 / 12:08

Ford şirkəti on Avropa ölkəsində tədqiqat apararaq getdikcə daha çox piyadanın yolu mobil qurğuya aludə olaraq ətrafdakı vəziyyətə məhəl qoymadan keçməsini müəyyənləşdirib.  

Xeberler.az-ın xarici mətbuata istinadən məlumatına görə, yolu keçən 18-24 yaşlı gənclərin 86 faizi əksər hallarda gözlərini telefondan çəkmir. Bu yaş qrupunda insanların 68 faizi yolu keçəndə telefonla danışır, 62 faizi musiqi dinləyir, 34 faizi SMS yazır.   

Bütün yaş qrupları ümumiləşdirilsə, mobil qurğuların respondentlərin 65 faizinin diqqətini yoldan ayırmasının şahidi olarıq.

Tədqiqatdan məlum olub ki, ən səhlənkar piyadalar Rumıniya sakinləridir. Burada rəyi soruşulanların 83 faizi etiraf edib ki, yolu keçərkən eyni anda telefon və ya planşetlə işləyir. Bu göstərici üzrə sonrakı yerlərdə İtaliya (67 faiz) və İspaniya (65 faiz) qərarlaşıb.

Respondentlərin 22 faizi bildirib ki, yolu keçən zaman mobil qurğudan istifadə etməsinə görə yol nəqliyyat hadisəsi və ya təhlükəli vəziyyətlə üzləşib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.