Azərbaycan Respublikası Elm və Təhsil Nazirliyinin İnformasiya Texnologiyaları İnstitutunda süni intellekt texnologiyaları sahəsində aparılmış elmi tədqiqatların nəticələrini əks etdirən elmi əsərlərin xülasələrindən ibarət “Süni intellekt texnologiyalarının elmi-nəzəri və praktiki problemləri” adlı ekspres-informasiya çapdan çıxıb.
Xeberler.az məlumat verir ki, yeni nəşrdə institutun əməkdaşları tərəfindən əsasən son 30 ili əhatə edən dövrdə süni intellektin müxtəlif istiqamətləri üzrə dərc olunmuş 440 elmi əsərin (məqalə, konfrans materialı və s.) xülasəsi toplanıb. 351 səhifəlik toplu institutun süni intellekt sahəsindəki elmi fəaliyyətinin hesabatı xarakterini daşıyır.
Ekspress-informasiyada təqdim olunan bir sıra elmi əsərlərdə institutun neyron şəbəkələr, qeyri-səlis məntiq, təbii dilin emalı, “Big Data” analitikası kimi süni intellektlə bağlı olan sahələr üzrə əldə edilən mühüm elmi nəticələr əksini tapıb. Biblioqrafik nəşrdə, həmçinin süni intellekt texnologiyalarının rəqəmsal dövlət, kibertəhlükəsizlik, rəqəmsal tibb, e-təhsil, linqvistika, sosial media və s. kimi sahələrdə tətbiqinə dair elmi işlər haqqında məlumat verilir.
Xülasələr toplusunun elmi redaktoru AMEA-nın müxbir üzvü, texnika elmləri doktoru Ramiz Alıquliyevdir.
Ekspres-informasiya süni intellekt sahəsində elmi və tədris fəaliyyəti ilə məşğul olan tədqiqatçılar, tələbələr, həmçinin, idarəetmə və istehsalat sahələrində çalışan mütəxəssislər üçün sistemləşdirilmiş informasiya mənbəyidir. Bu nəşr eyni zamanda, Azərbaycanda süni intellektin tarixini araşdıranlar üçün də mühüm əhəmiyyət kəsb edir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları