Tələbələr təhsil haqqını onlayn ödəyəcək

11-09-2015 / 16:59

Artıq Hökumət Ödəniş Portalı (gpp.az) “Elektron Hökumət” Portalına inteqrasiya olunub. Belə ki, Elektron Hökumət” portalına inteqrasiya edilmiş “Hökumət Ödəniş” portalı müxtəlif ödənişləri "Kommunal", "Rabitə", "İpoteka", "Büdcə" kimi qruplarda birləşdirir. Artıq portalda əks olunan "Kommunal bölməsi" vasitəsilə Azəriqaz, Azərsu, Azəristilik, Azərişıq (Bakı), Azərişıq (regionlar) üzrə ödənişləri operativ şəkildə icra etmək mümkün olacaq.

Xeberler.az-ın məlumatına görə, həmçinin  ali təhsil müəssisələrində təhsil alan tələbələr də yaxın vaxtlarda təhsil haqqlarını  dövlət ödəniş portalı vasitəsilə (gpp.az) onlayn rejimdə həyata keçirə biləcəklər.

Bu barədə  bu gün Məlumat Hesablama Mərkəzində (MHM)   keçirilən “Elektron Hökumət”  bülleteni üzrə brifinqdə Azərbaycan Mərkəzi Bankının Ödəniş sistemləri və hesablamaları departamentinin direktor müavini Vahid Qurbanlı deyib.

Onun sözlərinə görə, hazırda bu istiqamətdə Təhsil Nazirliyi ilə birgə fəaliyyətlər davam edir.

Belə ki, hər bir tələbə onlara verilmiş xüsusi kod vasitəsi ilə Ödəniş Portalına daxil olaraq  ödəyəcəkləri məbləği görə və Portal üzərindən birbaşa ödəniş edə biləcək.  

 Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.