Təhsil arayışları elektron formada veriləcək

25-11-2015 / 17:27

Bu gün  “Elektron Hökumət” portalının operatorunun və  Tələbə Qəbulu üzrə Dövlət Komissiyasının səlahiyyətli nümayəndələri ilə görüş keçirilib.

Portaldan Xeberler.az-a verilən məlumata görə, görüşdə "Elektron hökumət" portalına inteqrasiya olunmuş "Tələbə-Məzun dövlət elektron sistemi” ilə əlaqədar texniki, proqram və prosedur məsələlər ətraflı müzakirə edilib.

Məlum olduğu kimi, "Tələbə-məzun" dövlət elektron məlumat sistemi "Elektron Hökumət" portalına inteqrasiya edilib və  hazırda vətəndaşlarımz portal üzərindən Tələbə Qəbulu üzrə Dövlət Komissiyasının 15 elektron xidmətini əldə edə bilirlər. Portal istifadəçiləri həmçinin “Vətəndaş haqqında "Tələbə-məzun" dövlət elektron məlumat sistemindən çıxarış”ı avtomatik olaraq formalaşdıraraq həm çap edə, həm də elektron şəkildə aidiyyatı quruma göndərə bilərlər.

Görüş zamanı Tələbə Qəbulu üzrə Dövlət Komissiyasının "Elektron Hökumət" portalı üzərindən təhsil barədə çıxarışın əldə edilməsi layihəsində əks əlaqə imkanının yaradılması məsələsi ayrıca müzakirə edilib.

Vətəndaş məmnuniyyətini diqqətdə saxlayan qurum, portal üzərindən əks əlaqənin təşkili üçün xüsusi elektron müraciət forması tətbiq etməyi planlaşdırır.  

Elektron müraciət formasında fərdin portal vasitəsilə identikləşdirilməsini, habelə, daxil olan müraciətlərin əlaqədar təhsil müəssisələr üzrə yönləndirilməsini mümkün edəcək üstünlüklər də nəzərə alınıb.

Belə ki, "Tələbə-Məzun" dövlət elektron sistemi üzrə elektron müraciətin formalaşdırılması zamanı  fərdin kimliyi avtomatik müəyyən olunacaq, əlaqədar təhsil müəssisəsi seçilməklə tələb olunan müvafiq məlumatlar və müraciət qeyd olunacaq.

Müzakirələr zamanı Tələbə Qəbulu üzrə Dövlət Komissiyasının sektor müdiri Sahib Mərdanov elektron müraciət üzrə müvafiq servisin artıq hazır olduğunu qeyd edib.

Toplantıda "Tələbə-Məzun" dövlət elektron sistemi ilə əlaqədar vətəndaş qurum arasında münasibətlərin elektron təşkili üzrə bütün təfərrüatlar müzakirə edilib, servisin portalda aktivləşdirilməsi üçün tələb olunan texniki şərtlər səsləndirilib.

Görüşdə MHM-in nümayəndələri tərəfindən qeyd olunub ki, “Fərdi məlumatlar haqqında Qanun”un tələblərinə uyğun olaraq, İnformasiya sistemlərinin portala qoşulmasını sürətləndirmək, informasiya sistemlərində subyektlər haqqında toplanmış məlumatların subyektə təqdim edilməsi üçün, fərdi məlumatlar haqqında qanunun tələblərinə uyğun olaraq elektron hökumət sistemində  qurumlararası servislər bölməsi yaradılıb.  Servislər vasitəsilə subyektlər özləri haqda toplanmış məlumatların səhihliyinə nəzarət etmək imkanı əldə etmiş olacaqlar.

Bundan başqa, Tələbə Qəbulu üzrə Dövlət Komissiyasının nümayəndələri ilə “Elektron Hökumət” portalı üzərindən digər qurumlarla inteqrasiya məsələləri barədə müzakirələr aparılıb.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.