AVADANLIQ

"ULTRA" şirkəti rəsmi olaraq təmsil etdiyi Almaniyanın "Rittal" korporasiyası ilə birgə Bakıda ilk dəfə olaraq Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və onun tabeliyində olan 1 nömrəli "ASAN xidmət"in data mərkəzlərində server otaqlarının soyudulması üçün xüsusi peşəkar tipli "Rittal LCP (Liquid Cooling Package)" avadanlığını quraşdırıb.

İT sistemlərin soyudulması sahəsində ixtisaslaşmış "Rittal" şirkəti , "LCP DX (Liquid Cooling Package Direct Expansion)" soyuducu maye sistemini və freonu istehsal edir. Kompüter aparatlarının hazırlığını təmin edərkən mikroiqlim nəzarəti vacib rol oynayır. Serverin lazımi temperaturda işləməsinə nəzarət edilmədikdə onun xidmət müddətinin azalmasına və sistemin işləməməsinə səbəb ola bilər. Geniş məlumat emalı mərkəzləri üçün mikroiqlimin nəzarəti sistemi vacib komponentlərdən biridir.

Xüsusi olaraq kiçik və orta müəssisələr üçün "Rittal" şirkəti 15 kvt həcmə qədər gücü, sürətli "LCP DX" soyuducu sistemini hazırlamışdır. Bu sistemi "ULTRA" şirkətinin mütəxəssis heyəti "ASAN xidmət"in məlumat resurs mərkəzində quraşdırıb. Xüsusi avadanlığın əsas üstünlüyü istiqamətlənmiş soyuducu havanı birbaşa server avadanlıqlarına yönəldirməsidir. Bu, həm kifayət qədər enerjiyə qənaət olunmasına gətirib çıxarır, həm də daha peşəkar soyutma atmosferi yaradır.  (ictnews.az)