ABŞ Kosmik Agentliyi (NASA) və Harmonic şirkəti Ultra HD formatında yayımlanacaq telekanalın işə salınması ilə bağlı planlarını açıqlayıb.
Xeberler.az xarici mətbuata istinadən bildirir ki, NASA TV UHD telekanalı müxtəlif platformalarda translyasiya üçün 4K kontent təqdim edəcək.
Kanalın proqramlarının hazırlanmasında Beynəlxalq Kosmik Stansiyadan və NASA-nın digər hazırkı missiyalarından çəkilən yüksəkkeyfiyyətli təsvirlərdən istifadə nəzərdə tutulur. Bundan başqa, əvvəlki missiyalar zamanı kosmosun gözəlliyini tərənnüm edən çəkilişlərin seçilmiş fraqmentlərindən istifadə ediləcək.
NASA TV UHD kanalının proqramlarını yayacaq tərəfdaş şirkətlərin adı açıqlanmasa da, Harmonic şirkətinin kanaldan peykdə, eləcə də kabel və optik şəbəkələrdə istifadəsi üçün ödənişli televiziya platformalarının provayderləri ilə danışıqlar aparması məlumdur.
Kanalın noyabrın 1-də yayıma başlaması planlaşdırılır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları