Xanımların İKT-yə marağını artırmaq üçün təlim keçirilib

20-09-2015 / 20:33

Yüksək Texnologiyalar Parkında “WoWoman: Tech-Tech Xanım” “AROUND-THE-IT JOURNEY” tədbiri keçirilib.

Xeberler.az-ın məlumatına görə, tədbir 2 hissədən ibarət olub. Birinci hissədə təlim üçün müraciət edən xanımlardan 4 fərqli istiqamət üzrə seçilmiş 40 xanım 4 qrup şəklində təşkil olunub. Burada xanımlara 2 ay müddətində "system administration", "network engineering", "software development", "Database" dərsləri keçiriləcək.

Tədbirdə İT mütəxəssisləri qadınlarla təcrübələrini  paylaşıb. Birinci hissədə Ramin Orucov iştirakçılara təlim haqqında məlumat verib.

İkinci hissədə isə xanımlar İT sahəsinin qabaqcıl mütəxəssisləri ilə ünsiyyət qurub, həmçinin qadınlar üçün mobil tətbiqetmənin yaradılması üzrə master-klassda iştirak ediblər.

İkinci hissədə mobil tətbiq yaradılması üzrə Rüfət Babakişiyev xanımlarımıza maraqlı məlumatlar verib.

Təlimlər oktyabrın 1-dən start götürəcək.  

Layihənin meneceri Kəmalə İsmayılova Xeberler.az-a bildirib ki, tədbirin təşkil olunmasında məqsəd xanımları İT sahəsinə cəlb etmək və bu sahənin verdiyi imkanları qiymətləndirməkdir.

Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.