Xanımlarımız da mobil tətbiqlər yaratmağı öyrənir

03-05-2016 / 21:22

İKT-də Qızlar Günü – qızlar və gənc qadınlar üçün İKT-nin yeni yönlərini görmək və onları öz gələcəklərini texnologiyaya bağlamağa həvəsləndirmək üçün bir imkandır. Bu günki gün artıq 111 000-dən artıq gənc xanım dünyanın 140 ölkəsində yer almış 3500 tədbirdə iştirak edib.

Wowoman Tech Tech Xanim və FEMMES DIGITALES  Azərbaycanın İKT qadınlarının birgə əməkdaşlığı sayəsində  ADA universitetində mobil tətbiqetmələrin hazırlanması üzrə təlimlər təşkil edilib.

Xeberler.az-ın məlumatına görə, ADA Universitetində mobil tətbiqetmələrin yaradılması üzrə seminarda proqramlaşdırma sahəsində heç bir təcrübəsi olmayan qızlar özləri tətbiqetmə yaratmışlar, həmçinin burada İKT-nin gələcəyi və Tech xanımların bu sahədəki imkanları müzakirə olunub.

Master-klas zamanı qızlar öz ideyalarının dizaynı və prototipini yaratmağı,öz mobil tətbiqetmələrini yaratmağı, tətbiqetməni yoxlamağı, tətbiqetməni müxtəlif sahələrdə yayımlamağı öyrənib.

Yuxarı sinif şağırdləri və bakalavrın ilk kursunun tələbələri üçün təşkil olunmuş bu seminarda 65 gənc xanım təlim keçmiş və öz mobil tətbiqetmələrini yaratmağı öyrənib.

Master-klasların təlimçisi Xəzər Universitetinin lektoru, Bakı Britaniya məktəbinin İKT-instruktoru və WoWoman-ın Tech Tech Xanim layihəsinin meneceri Günay Kazımzadə olub.

Seminarın gedişi boyu qeyd olunub ki , tətbiqetmələrin inkişafı STEM, texnologiyalar, PBL, kritik düşüncə və yüksək düşüncə sahəsi üçün təbii haldır:

"Artıq bir neçə il sonra İKT sahəsinin tədris proqramında mövcud olan hazırki tıxacı aradan qaldırdıqdan sonra baş verə biləcək kəskin dəyişiklikləri təsəvvür edin. Word və Excel-dən istifadə qaydalarını öyrənməkdən darıxan şagirdlərin əvəzinə bir sərbəst şəkildə mobil tətbiqetmə yaza bilən 11 yaşlı məktəblilərə sahib olacağıq".

Bildirilib ki, 16 yaşlarında isə onlar artıq formal məntiq haqda tam təsəvvürə malik olacaqlar və öz smartfonları üçün tətbiqetmələr yarada biləcəklər ki, indi bu, yalnız universitet kurslarında mümkündür.

Mobil tətbiqetmələri yarada bilmək qızlara bu sahənin sürətlə inkişaf edən imkanlarına nəzər salmağa və texnologiyalar vasitəsilə nələrsə yaratmaq şansı verir.

WoWoman- Tech Tech Xanim layihəsi – İT elmini qadınlar arasında yaymağa və onların öz gələcəklərini bu sahəyə bağlamağa həvəsləndirməyə yönəlmiş bir WoWoman layihəsidir. Layihəyə 600-dən artıq müraciət verilib və 400 qızın iştirak edə biləcəyi 15 uzun və qısamüddətli kurslar hazırlanıb. Java Web Development kursları Barama İnnovasiya və Sahibkarlıq Mərkəzi tərəfindən dəstəklənən layihələrdən biridir.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.