İKT QADINLAR

Məlumat verdiyimiz kimi,  Azərbaycanda qadınların peşəkar və fərdi inkişafı üçün WOWOMAN platforması yaradılıb.

Qeyd edək ki, platformanın əsas məqsədi xanımların özlərini ifadə edəcəkləri, şəxsi və professional bacarıqlarını inkişaf etdirəcəkləri və özlərinə inamı artıracaqları platforma yaratmaqdır.

Fəaliyyətinin birinci ilini başa vuran platforma xanımlarımızın inkişafına mühim tövhə verməkdə davam edir.

Layihə komandasından Xeberler.az-a verilən məlumata görə, bu il ərzində 30-dan çox seminar, təlim və tədbirlər, 2 uzun müddətli kurs, xanımlar üçün xüsusi İT layihə - Tech-Tech Xanım və WOWOMAN PRO təlimləri təşkil olunub və WOWOMAN öz missiyasını yüksək dərəcədə yerinə yetirib.

Təlimlər yerli və xarici tanınmış ekspertlər – Şəms Mustafayeva, Səma Abiyeva, Coşqun Kərimov, Anna Petrova, Fəxri Ağayev, Myrto Okle, Rafiq Hunaltay, Müşfiq Həsənov, Yelena Sidorenko, Sabina Şahi və digərləri tərəfindən keçirilib.

Bu tədbirlərdə ümumi 5200-dən artıq müraciət və 1600-dən artıq üzv qəbul olunub.

Qeyd edək ki, bu təlimlər İT sahəsi ilə bağlı da olur. 

İlk ilinin uğurlarına nəzər salmaq və yeni layihələrin açılışını etmək üçün WOWOMAN fevralın 6-da  tanınmış xanımları, media nümayəndələrini və  üzvlərini Fairmont Baku otelində bir araya toplayacaq.

Tədbirdə Zara Apetrei Hüseynova, Nigar Köçərlı, Günay Malikqızı, Elnara Nahmetova, Nigar Arpadarai, Zeynəb Məmmədyarova, Zəhra Bədəlbəyli və digər tanınmış xanımların  iştirakı ilə hazırlanan “Qorxmasaydım” adlı xüsusi video-çarx, həmçinin, “Özünü İfadə Et” platforması təqdim olunacaq.

WOWOMAN platformasının təsisçisi Zara Apetrei Hüseynov Xeberler.az-a bildirirb ki, təşkilatın əsas məqsədi həmişə olduğu kimi qalacaq:

“Xanımların peşəkar və şəxsi inkişafına dəstək vermək. “WOWOMAN hər zaman arzulamağa cürət edən xanımlar üçün olacaq və onlara bu arzuları reallaşdırmaq üçün imkanlar yaradacaq. Əgər siz də belə xanımlardansınızsa, və ya olmaq istəyirsinizsə, sizin bu səyahətinizə dəstək olmağa hazırıq”.

Məltəm Talıbzadə