İKT QADINLAR

Xanımların fərdi və peşəkar inkişafına, həmçinin İT sahəsində aktiv olmalarına dəstək olmaq məqsədilə yaradılan WoWoman platforması 2 yaşını qeyd edib.

Xeberler.az-ın məlumatına görə, tədbirdə media nümayəndələri, tanınmış qonaqlar, təlimçilər, səfirliklər və nazirliklərin, dövlət qurumları və özəl sektorun təmsilçiləri iştirak etdib.

Tədbir zamanı il ərzində Tech-Tech Xanım İT sahəsində çalışan xanımlar üçün təşkil olunan proqramlar, bu il fəaliyyətə başlayan iki layihə - WoWenture sahibkarlıq proqramı, HR sahəsində çalışan xanımlar üçün HR Academy layihəsi və digər tədbirlər haqqında məlumat qonaqlarla paylaşılıb.

Qeyd edilib ki, platforma 2 il ərzində 6500-dən çox iştirakçı ilə 100-dən çox tədbir, 15 uzun müddətli proqram təşkil edib və 17 500 müraciət alıb.

Platformanın təsisçisi Zara Apetrei Huseynovanın qeyd etdiyi kimi, bu il WoWoman platforması Gəncə şəhərində öz nümayəndəliyini təsis edib və orda yaşayan xanımlar üçün artıq 2 tədbir – “Sıfırdan başla” və “LimitSizsiniz” baş tutub.

Gəncə şəhərində və digər regionlarda yaşayan xanımların inkişafına töhfə vermək məqsədilə bu tədbirlərin davam etdiriləcəyi açıqlanıb.

Zara Hüseynova qeyd edib ki, ikinci ilində ən böyük nailiyyəti isə WoWoman platformasının xarici ölkələrərdə fəaliyyətə başlaması və Ukrayna, Belarus, Qırğızıstan, Pakistannümayəndəliklərinin yaradılmasıdır:

“Bütün yaratdığımız nümayəndiliklərə Azərbaycanda WoWoman platformasının uğurundan danışırıq və cəmiyyətdə etdiyimiz müsbət dəyişiklikləri qeyd edirik. Bu isə, öz növbəsində, dünya xanımlarının düqqətini çəkir və öz ölkələrində də eyni istiqamətdə tədbirlər və kurslar təşkil etməyə başlayırlar. Bişkekdə keçirdiyimiz ilk tədbirdə 350-dən çox müraciət aldıq, 150 xanım iştirak etdi və WoWoman Azərbaycanın fəaliyyəti haqqında məlumat əldə etdi. Bizim üçün bu, fəxrdir”

Onu sözlərinə görə, növbəti ildə hazırda davam edən WoWenture, HR Academy, Events and Express yourself layihələri ilə yanaşı, dünyanın daha 20 ölkəsində platformanı təsis etməyi, yeni "Pro in Projects" layihənin idarəedilməsi proqramını  və WoWideo film çəkmək üzrə proqrama başlanacaq:

“Həmçinin, xanımlarda özlərinə inamı artırmaq və mentorluq vasitəsilə onlara yeni biliklər öyrətməq məqsədilə ABŞ-ın ölkəmizdəki səfirliyinin dəstəyi ilə "WoWoman in Me" layihəsinə start veriləcək.”

Daha sonra Z. Hüseynova, hazırda Kaliforniyada Silikon Vadisində təhsil aldığı proqramda öyrəndiklərinin platformanın daha da inkişaf etməsinə, dünyanın bir çox ölkələrində fəaliyyətə başlamağa və daha çox xanımın həyatını müsbət dəyişməyə kömək edəcəyinə inandığını qeyd edib:

“Yeni online platformanın yaranmasından xəbərdar olmaq, həmçinin, WoWoman cəmiyyətinin ilk üzvlərdən biri olmaq üçün buradan  qeydiyyatdan keçə bilərsiniz".

 Xeberler.az