AZNET

Apple şirkəti sentyabrın 7-də keçirdiyi ənənəvi təqdimat mərasimində özünün yeni məhsullarını elan edib. 

Xeberler.az məlumat verir ki, dünyanın smartfon bazarında güclənən rəqabət fonunda şirkətin yeni iPhone 14  modeləri maraqla gözlənilirdi. 

iPhone 14  seriyası 4 modeldən ibarətdir - iPhone 14,  iPhone 14 Plus,  iPhone 14 Pro və  iPhone 14 Pro Max. 

Yeni iPhone 14, iPhone 14 Plus versiyaları əvvəlki ilin iPhone 13 Pro modelindən fərqlənmir. Kamera dizaynı eyni qalıb və eyni çipdən (A15 Bionic) istifadə edilir. 

Əvəzində iPhone 14 Pro və iPhone 14 Pro Max versiyaları isə daha qabaqcıl A16 Bionic çipi ilə təchiz edilib və onların dizaynı da yenidir. 

Yeni iPhone-lar daha uzun batareya ömrünə malikdir. 

Bu seriya ilə gələn əsas yeniliklər:

(1) təcili vəziyyətdə peykə qoşulma imkanıdır.

Yəni, bu telefonlar vasitəsilə şəbəkə olmayan yerdə və fəövqəladə hallarda kömək çağırmaq, xüsusi orqanlarla əlaqə saxlamaq mümkün olacaq. 

(2) avtomobil qəzası baş verəndə telefonun bunu müəyyən edib avtomatik kömək çağırması – qəza olanda telefon zərbədən bunu hiss edir və dərhal həm təcili yardım xidmətlərinə, həm də telefon sahibinin əvvəlcədən müəyyən  etdiyi nömrələrə zəng və mesaj göndərilir

(3) arxa kameranın 48 meqapikselə qaldırılması (14 Pro və Pro Max). 

iPhone 14 Pro və iPhone 14 Pro Max-larda arxa kamera güclənsə də əvvəlcədən güman edildiyinin əksinə olaraq 8K varinatda çəkiliş olmayacaq. 

Digər maraqlı yenilik yeni seriyada fiziki Sim kartın əvəzinə rəqəmsal, «e-SIM»kartdan istifadədir. Bu yenilik vasitəsilə telefonda bir neçə  telefon nömrələrinə sahib olmaq imkanı var. Eləcə də «iPhone» itəndə və ya oğurlananda onun e-Sim kartını dəyişə bilməyəcək. Hələlik e-Simkart yeniliyi ABŞ-da işləyəcək. 

iPhone 14 və iPhone 14 Plus versiyaları 12 meqapiksellik, iPhone 14 Pro və iPhone 14 Pro Max modelləri isə 48 meqapiksellik kamera ilə təchiz edilir.

iPhone 14-ün qiyməti 799 dollardan, iPhone 14 Plus-un qiyməti 899 dollardan, iPhone 14 Pro-nun qiyməti 999 dollardan, iPhone 14 Pro Max-ın qiyməti isə 1099 dollardan başlayır.