"Apple" şirkəti "iPhone 12 Mini" modelinin istehsalını dayandırıb

23-06-2021 / 11:04

ABŞ-ın “Apple” şirkəti satışları az olduğu üçün “iPhone 12 Mini” smartfon modelinin istehsalını dayandırıb.

Xeberler.az məlumat verir ki, bu barədə “TrendForce” marketinq şirkəti məlumat yayıb.

Məlumata görə, “Apple” bu modelin istehsalını 2021-ci ilin ikinci rübündə dayandırıb. Çünki satış rəqəmləri eyni seriyanın digər modellərinin – “iPhone12”, “iPhone 12 Pro” və “iPhone 12 Pro Max”ın satışlarından xeyli aşağı idi.

“TrendForce” xəbər verir ki, şirkət, çox güman ki, yeni “iPhone 12s” seriyası daxilində üç model təqdim edəcək, lakin smartfonun mini versiyasını buraxmaqdan imtina edəcək.

“Apple” 2020-ci ilin oktyabrında smartfonlarının yenilənmiş modelini – “iPhone 12”-ni təqdim edib. Eyni zamanda, “iPhone 12 Mini”nin daha kiçik versiyası, “iPhone 12 Pro”nun flaqman modeli və “iPhone 12 Pro Max”ın daha böyük versiyası təqdim edilib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə