Yeni media təşkilatı yaranır

15-10-2009 / 17:49

Şahin Ağabəyli: "Yeni qurum jurnalistlərin hüquqlarının müdafiəsi ilə məşğul olacaq"

“Milli Yol” qəzetinin və “Poliqon” İnformasiya Agentliyinin baş redaktoru Şahin Ağabəyli yeni media qurumu yaradır.

Bu barədə Qaynar.info-ya baş redaktorun özü məlumat verib.Yeni qurum jurnalistlərin hüquqlarının müdafiəsi ilə məşğul olacaq. 

Şahin Ağabəyli bildirdi ki, əqidəsindən asılı olmayaraq müxtəlif mətbuat orqanlarında çalışan jurnalistlərin hüquqlarının qorunması, dövrü mətbuatda çalışan jurnalistlərin əmək müqaviləsi ilə təmini, gənc jurnalistlərin bəzi mətbu orqanlar tərəfindən istismar edilməsinin qarşısının alınması və fövqəladə ictimai-siyasi proseslərin gərginləşdiyi məqamda jurnalist haqlarının qorunması və bu jurnalistlər haqqında cəmiyyətə dolğun informasiyaların çatdırılmasını təmin etməkdən ibarət olacaq.
Ş. Ağabəyli qeyd edir ki, yaranan yeni təşkilat Mətbuat Şurası, “Xural”, “Yeni Müsavat”, “Azadlıq”,  “Yeni Azərbaycan”, “İki Sahil” qəzetləri, Turan, APA, Trend və s. KİV-lərlə görüşlər keçirəcək.

Təşkilatın elan olunması ilə bağlı mətbuat konfransı oktyabr ayının 16-da saat 13-00-da Reportyorların Azadlığı və Təhlükəsizliyi İnstitutunun mətbuat mərkəzində keçiriləcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.