Yeraltı robotların yarışı baş tutub

19-08-2019 / 14:50

Xeberler.az-ın məlumatına görə, ABŞ Müdafiə Nazirliyinin Qabaqcıl Tədqiqat Layihələri Departamenti (DARPA) “Yeraltı çağırış” (Subterranean Challenge) adlı robotlaşdırılmış mini-roverlərin yarışını keçirib. Yarışın əsas mükafatı başqa planetlərə səyahət etməkdir. Qalib robotlar digər planetlərdə adi texnika üçün əlçatmaz olan mağaraları tədqiq edəcəklər. Digər planetlərin dərin mağaraları tədqiqatçılar üçün hələ də sirr olaraq qalır.

Hazırda mövcud olan roverlər yeraltı ərazilərdə düzgün səmt götürə bilmədikləri üçün həmin mağaraları lazımi səviyyədə öyrənməyə qadir deyillər: peyk naviqasiyası işləmir, kompas metal yataqlarının olması səbəbindən dayanır. Bu problemi “Yeraltı çağırış”ın qalibi həll etməlidir. Müsabiqədə robototexnika sahəsinin son niliyyətləri – yeraltı dərinlikləri fəth etmək üçün xüsusi hazırlanan kiçik roverlər iştirak edir. Robotların vəzifəsi bütün maneələri aşaraq verilən yolun sonuna qədər getmək, daha sonra başlanğıc nöqtəsinə qayıdıb keçdiyi yeraltı ərazilərin xəritəsini hazırlamaqdan ibarətdir. Müsabiqənin mükafat fondu 5 milyon dollardır. Daha da önəmlisi, qalib robot yeni kosmik gəminin yaradılması üçün əsas kimi istifadə ediləcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.