Yüksək texnologiyalar sahəsində Tədqiqat mərkəzi yaradılıb.

27-09-2008

Nazirlər Kabineti Rabitə və İnformasiya Texnologiyaları Nazirliyi nəzdində yüksək texnologiyalar sahəsində Tədqiqat Mərkəzinin yaradılması haqqında № 228 saylı qərar qəbul edib.

Kür kompüter zavodu avtomobillər üçün kompüter istehsal edəcək

27-09-2008

Elektron avadanlıqların istehsalı ilə məşğul olan Kür zavodu bu ilin sonunadək avtomobillər üçün AutoPC- kompüterləri istehsal etməyi planlaşdırır. Turan agentliyinin verdiyi məlumata görə bu kompüterlər zavodda 12 vatt gərginliyi ilə işləyəcəklər.


Traveler Power Bank – universal qidalanma bloku

26-09-2008

FSP şirkəti öz yeni məhsulunu - Traveler Power Bank mobil qurğuları üçün universal qidalanma blokunu təqdim etdi. Bu məhsulun köməkliyi ilə əksər noutbuk, portativ oyun qurğuları, mobil telefon və digər müasir modellər qidalana bilər. Bloka iki qurğunun birdən qoşulması mümkündür.

Sony xərçənglə mübarizəyə qoşulacaq

26-09-2008

Sony şirkəti dünyaya yardım və döş xərçəngi xəstəliyinə həsr olunmuş elmi araşdırmalara maliyyə dəstəyi etmək qərarına gəldi. Bu məqsədlə, yapon şirkəti xüsusi seriyalı iki noutbuk satışa buraxacaq. Çəhrayı rəngli yeni məhsullar çanta və mausla birlikdə satılacaq.


Core i7 prosessorları 10 noyabrda satışa çıxarılacaq

26-09-2008

Anonim mənbələrin məlumatına görə, Core i7 adını almış Bloomfield nüvəsi üzərindəki İntel Nehalem prosessorları 10-14 noyabr tarixlərində satışa buraxılacaq. Yaponiyada isə satışa bir qədər tez başlanılacaq. Yaponlar Core i7 modelini noyabrın ilk günlərində əldə edə bilərlər.

Analitiklər mobil internet-qurğulara tələbatın artacağını proqnozlaşdırırlar

26-09-2008

ABI Research şirkətinin analitikləri, ümumdünya şəbəkəsi üçün işləyən mobil internet-qurğularının (MID) – kompüterlər satışının artımını proqnozlaşdırır. Onların söylədiklərinə görə, hazırda ultramobil kompüterlər (UMD) sahəsində 90% satışı netbuklar təşkil edir.


ATI Radeon HD4650 artıq satışdadır

26-09-2008

RV730 prosesorları əsasında olan AMD/ATI qrafik adapterlərinin buraxılışından iki həftə keçdikdən sonra artıq satışa verilib. Bunlar MSİ kartlarıdır ki, referens tezliyilə işləyir və hazırda 60 avro qiymətindədir.

Firefox brauzerinin yeni versiyasında səhvlər aşkar olunub

26-09-2008

Son Firefox 3.0.2 versiyasında UTF-8-dən fərqli olaraq istifadəçilərin kodlaşdırılmış parollara çıxışını bağlayan səhv tapılıb. 3.0.2 versiyasını yükləyənlər yaddaşda saxlanmış parollarla işləyə bilmir və yeni parolları brauzerdə yaddaşa verə bilmirlər.


“Google”nin 10 yaşı tamam olur

25-09-2008

“Google” axtarış sistemi 10 yaşının tamam olması münasibətilə 10100 layihəsini həyata keçirir. Lent.az-ın “Computerworld”a istinadən verdiyi məlumata görə, bu rəqəm “quqol” adlanır. “Google” sistemi də həmin rəqəmin şərəfinə adlandırılıb.

MySpace musiqi xidməti açdı

25-09-2008

PC Magazinin məlumatına görə, bu gün MySpace sosial şəbəkəsi onlayn musiqi xidməti açıb. Kontent xidmət üçün EMI Music, Sony BMG, Universal Music Group, Sony/ATV Music Publishing səsyazma studiyalarını təqdim edir.


Palm OS II əməliyyat sisteminin buraxılışı təxirə salınıb

25-09-2008

Palm şirkəti Palm OS II əməliyyat sisteminin buraxılışını çatdırmır. Palm OS sisteminin sonuncu versiyası beşinci versiyadır ki, bu da 5 il bundan əvvəl buraxılıb. Şirkət mütəxxəssisləri hesab edirlər ki, yeni versiya 2008-ci ilin sonunda işıq üzü görəcək, onun bazası əsasında olan qurğular - smartfonlar və kommunikatorlar isə 2009-cu ilin birinci yarısında istehsal olunacaq.

Dell 2010-cu ildə tamamilə LED işıqlandırılmasına keçəcək

25-09-2008

Bu həftə Amerika şirkəti Dell 2010-cu ildə LED işıqlandırılması ilə təchiz olunmuş noutbuklar istehsal edəcəyini bəyan etdi. Bu bəyanat kompüter bazarı analitiklərinin fikri ilə ziddiyyət təşkil edir. Onların fikrincə, LED işıqlandırılmasına tam keçid yalnız 2012-ci ildə baş tuta bilər.


Toshiba rekordu təzələdi

25-09-2008

Toshiba kiçik həcmli yeni sərt disk təqdim edib. Şirkət 1,8 düymlük form-faktorla daha əvvəl əldə etdiyi nailliyətləri geridə qoyaraq, dünya rekordunu təzələyir. 250GB MKxx29GSG adlı disk şpindelinin fırlanması dəqiqədə 5400 dövrdür.

Rəqəmli çərçivə və telefon

25-09-2008

OpenPeak şirkəti sensorlu çərçivə ilə telefon kombinəsindən təşkil edilmiş OpenFrame-in “atom” versiyasını nümayiş etdirdi. Artıq bu qurğu rəsmi olaraq təsdiq edildi. OpenFrame özündə rəqəmli çərçivə və İP-telefon funksiyasını birləşdirən maraqlı modeldir.


Əməliyyat sistemləri

25-09-2008

Əməliyyat sistemi kompüter resurslarını - mərkəzi prosessor, əməli və ya xarici yaddaş, xarici qurğu, proqram və s. idarə edən, tətbiqi proqramların işə salınmasını, onların xarici qurğular və digər proqramlarla qarşılıqlı əlaqəsini, həmçinin, istifadəçi ilə kompüter arasındakı dialoqu təmin edən proqram vasitəsidir.

Mozilla Firefox-u yeniləyib

25-09-2008

Mozilla Firefox 2 və 3 brauzerləri üçün yenilənmələr edib. Firefox 2 üçün 14, Firefox 3 üçün 11 düzəliş edilib. Yenilənmədən sonra istifadəçilərin kompüterində Firefox 3-ün yeni versiyası - 3.0.2, 2-ci üçün isə Firefox 2.0.0.17 versiyası təqdim ediləcək.


Simens və Fujitsu ayrıla bilər.

24-09-2008

Alman qəzetlərinin biri “Siemens”in “Fujitsu Siemens”də olan payını satışa çıxaracağını iddia edir.Qəzetin yazdığına görə artıq namizədlər də var.

Brando Super Tiny klaviaturası ovuca yerləşir

24-09-2008

Honkonq onlayn mağazası alıcılara kiçik ölçülərdə klaviatura təqdim edir. Bu, hazırkı noutbuklarda istifadə olunan qurğuların analoqudur. Ölçüləri 170 x 73 x 15 mm, çəkisi 116 qramdır.






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə