«Azercell» şirkəti yeni kampaniyaya başlayıb

14-04-2009 / 13:51

 Azərbaycanın aparıcı mobil rabitə operatoru olan «Azercell Telecom» şirkəti «Dost-Tanış» xidməti üzrə yeni «Əzizlərim» kampaniyasına başlayıb.

Şirkətdən xeberler.az-a verilən məlumata görə, «Dost-Tanış» nömrələri ilə beşqat artıq güzəştlə danışmaq mümkündür. Bu vaxta qədər həmin xidmət çərçivəsində yalnız 1 nömrəni «Dost-Tanış» siyahısına əlavə etmək mümkün idisə, kampaniya müddətində daha 3 «Azercell» nömrəsini və hətta əlavə olaraq 1 yerli sabit şəbəkə (şəhər) nömrəsini də öz «Dost-Tanış»ları kimi qeyd etmək olar.

Altı ay davam edəcək kampaniya dövründə fakturasız xətt abonentləri «Dost-Tanış» nömrələrlə əvvəlkindən daha da güzəştli şərtlərlə danışa biləcək. Belə ki, «Azercell»ə aid «Dost-Tanış» nömrələri ilə 1 kontur/5 saniyə, yerli sabit şəbəkə nömrəsi ilə isə 1 kontur/3 saniyə tarifi ilə danışmaq mümkündür.

Kampaniya dövründə seçilən yeni «Dost-Tanış» nömrələri üçün güzəştli tariflər yalnız 60 gün tətbiq ediləcək. Lakin 6 aylıq kampaniya boyunca abonent yenidən istənilən nömrəni (ya əvvəlki nömrəni, ya da başqa birisini) «Dost-Tanış» siyahısına əlavə edib, onlarla qeyd edilən güzəştli tariflərlə danışa bilər.

Hər dəfə hansısa nömrəni «Dost-Tanış» siyahısına salmaq üçün həmin nömrəni SMS mətninə daxil edib 8080 qısa nömrəsinə göndərmək lazımdır. Əgər abonent «Dost-Tanış» siyahısındakı hər hansı bir nömrənin yerinə başqasını əlavə etmək istəyərsə, onda SMS mətninə əvvəlcə köhnə nömrə, ardınca da yeni nömrəni yazıb 8080 qısa nömrəsinə göndərməlidir. Bu qısa nömrəyə göndərilən bir SMS-in qiyməti 99 konturdur.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə