Computerworld-un məlumatına görə, Google korporasiyası milyonlarla şifrələnmiş qəzet məqalələrinin yerləşəcəyi onlayn xəbər arxivinin açılışı haqda elan verdi. Şirkət Pittsburgh Post-Gazette və Quebec Chronicle Telegraph kimi nəşriyyatlarla əməkdaşlıq edəcəyini söylədi. Google-un xəbər arxivi istifadəçilərə köhnə qəzet məqalələrinə onların ilkin görünüşünə bütün şəkilləri və reklam elanları ilə birlikdə baxmaq imkanı yaradacaq.
Rahat və anlaşıqlı interfeysə malik olan, bir topluda işləmələrin hamısını cəmləşdirən pulsuz audio/video transkoder - MediaCoder yenilənib. Proqram fayl ölçülərinin kiçilməsi ilə video və audionun bir yerə yerləşməsini təmin edir.
Apacer, SO-DIMM tipli yaddaş modulunu təqdim etdi. Yeni kart Aspire One noutbukları üçün nəzərdə tutulub. DDR2-667, 1 Gb həcmli, hazırda kompüter üçün olan digər modullardan 12% aşağı, 1,6 Vt gərginlikdə işləyir.
Yaxınlarda Google Maps və Google Earth servislərinin şəkillərinin keyfiyyəti yüksələcək. Reuters-in məlumatına görə, GeoEye şirkətinin buraxdığı peyk Google-a daha dəqiq şəkillər verəcək. Hər iki şirkətin loqotipləri peyk orbitə qalxarkən orada olub.
Plastic Logic şirkətinin mütəxxəssisləri mətnləri elektron təqdimatda qura biliblər. Bu ekran bazardakı iri ekranlı digər oxşar məhsullardan fərqlidir. E Ink texnologiyası istifadə olunan yeni ekranlar monoxrom mətnləri və illüstrasiyaları əks etdirə bilir. Ölçüləri 216 х 279 mm-dir.
Sony şirkətində Blu-ray optik disklərinin PlayStation 3 ilə birlikdə 10 il ərzində daha da formalaşacağını güman etsələr də, Samsung-da bunun yalnız beş il yaşayacağını güman edirlər.
Məlumat yayan ВBC korporasiyası xüsusi onlayn musiqi xidməti yaratmaq niyyətindədir. Burada istifadəçilərin televiziya və radio verilişlərinin, sənədli filmlərin tərtibatı üçün musiqilər yükləmək imkanı olacaq. Xidmətin hazırlanması ilə BBC Worldwide bölməsi məşğul olur. BBC-nin dediyinə görə, şirkətin studiyalarında artıq internetdə yerləşdirilmək üçün arxiv yaradılıb.
Uzun müddət Böyük Britaniyanın ən yaxşı ifaçılarından biri Amarillis Fleminqə məxsus olan Stradivari violonçeli oktyabrda auksionda satılacaq. Belə bahalı və nadir alətin internetdə satılması ilk dəfə baş verir.
Microsoft şirkəti Windows Vista-nın reklamı üçün 300 milyon dollar xərcləməyə hazırlaşır. Layihəni Microsoft-un yaradıcısı Bill Qeyts və aktyor Cerri Seynfeld həyata keçirəcək. Mütəxxəssislər hesab edirlər ki, bu cür üsulların istifadə edilməsi təbiidir.
İntel korporasiyası Xeon prosessorlarının “ailəsini” tamamlayan X5492, X5470, L5430 və X5270 modellərini buraxdı. Xeon X5492-nin tezliyi 1600 MHs, sistem şininin tezliyi isə 3,4-dir. Prosessor dörd nüvəyə malikdir və 12 Mb, ikinci səviyyəli keş yaddaşla təchiz olunub. 150 Vt enerji sərf edir, istehsalda 45 nanometrlik texnologiya tətbiq olunub. Topdan satış qiyməti 1492 dollar təşkil edir.
ABŞ-dan fəzaya yüksək tələblərə cavab verən fotokameralarla peyk buraxılıb. GeoEye-1 Peyki yerə ağ-qara və rəngli şəkillər buraxa bilər. Qeyd olunur ki, o, Yerin səthinin 40 sm-dən böyük olmayan ağ-qara şəkilini çəkə bilər. Rəngli şəkillərin çəkilişi nisbətən azdır.
ABŞ-da bir istifadəçinin noutbukun naqilində yüngül dərəcədə qızması şikayətindən sonra ondan çox istifadəçi həmin şikayətlə daxil olmağa başlayıb. Sony, kabel sistemindəki problem səbəbi ilə 440 min ədəd Vaio modelli noutbuku geri yığır.
Dell şirkəti xərcləri azaltmaq, gəlirləri çoxaltmaq məqsədilə kompüter istehsalı zavodlarını satmaq fikrindədir. Məlumatı yayan mənbə deyir ki, Dell növbəti 18 ay ərzində bütün zavodlarını sata bilər. Çox güman ki, zavodların alıcıları böyük Asiya şirkətləri olacaq. Şirkətin zavodları əsasən stolüstü kompüterlər sifariş edən korporativ müştərilər üçün işləyir
Consumer Reports Amerika nəşriyyatı tərəfindən aparılan araşdırmalara görə, BitDefender Internet Security 2008 “Kompüter müdafiəsi üçün ən yaxşı seçim” elan edildi. Consumer Reports 1936-cı ildən məhsulların istifadə imkanları baxımından keyfiyyətini yoxlayan tədqiqatlar aparır və özünün müstəqil ekspert nəşriyyatı nüfuzundan istifadə edir.
Google-un Picasanı inkişaf etdirmək səyləri nəticəsində sayta şəkillərdəki üzləri təyin etmə xüsusiyyəti əlavə olundu.
Çox zaman nəyisə yaddan çıxarmamaq üçün müxtəlif üsullara əl atırıq. Gündəliklər, elektron yazı kitabçaları, proqramlar - “xatırlatmalar” tərtib edirik. Artıq belə proqramların yeni versiyası – abcNotes proqramı buraxılıb. Burada xatırlatma yazıları monitorun ekranına “yapışdırılmış” rəngarəng kağızlardan – stikerlərdən (xatırlayıcı) ibarətdir.
LG Electronics şirkəti öz alıcılarını dinamik 30000:1 kontrastlı W2284F monitorunun buraxılışı xəbəri ilə sevindirdi. Sürüşkən, parlaq korpuslu, şəffaf altlıqlı, yüngül işıqlandırılma ilə təchiz edilməsi, monitoru yandırıb-söndürən düymənin qeyri-adi, damcı şəklində olması - nəzərdən qaçmayan və iF Product Design 2008 tərəfindən hədiyyə ilə mükafatlandırılan aşkar üstünlüklərdir.
Disklərin köçürülməsi üçün funksional proqramın yeni versiyası çıxıb. Cheetah DVD Burner bütün tanınmış və hətta çox yayılmamış Burn Blu-Ray, Dual Layer DVD, DVD və CD formatlarla işləyir. Bu proqramın köməyi ilə diskə köçürmələr etmək, MP3, WMA və WAV audiofayllarından toplular düzəltmək, DVD videolar yazmaq olar.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları