Son Xəbərlər

Philips şirkəti Wake-Up Light – işıq saçan zəngli saatlar təqdim edib. Adi zəngli saatlardan fərqli olaraq, yeni qurğular səs siqnalı vermək əvəzinə işıqlanırlar.Təyin olunmuş vaxtdan 30 dəqiqə əvvəl saat tutqun işıq verməyə başlayır. Həmin vaxta yaxınlaşdıqda işıq daha aydın olur,

Britaniyalı tədqiqatçı spamerlərin sevimli hərflərini müəyyən edib

Kembric Universitetinin kompüter laboratoriyasının əməkdaşı Riçard Kleyton əlifbanın ilk hərfləri ilə başlayan elektron ünvanlara, son hərflərə başlayan ünvanlara nisbətən daha çox spam məktubların daxil olduğunu təyin edib. Aparıcı internet-provayderin 8 ay ərzində müştərilərinə ünvanlanan yarım milyard elektron məktubun təhlilini aparan britaniyalı tədqiqatçı öz araşdırmalarında belə nəticəyə gəlib ki, elektron ünvanları “A” hərfi ilə başlayan istifadəçilərə daxil olan məktubların 35% məhz spamın payına düşür. “Z” hərfi ilə başlayan ünvanlara daxil olan elektron məktubların spam payı isə orta hesabla 20% təşkil edir.

Veb-brauzerlər bazarında nəzərə çarpan dəyişikliklər baş verib

Net Applications şirkətinin araşdırmalarına əsasən, veb-brauzerlər bazarında dəyişikliklər baş verib. Microsoftun son üç ay ərzində baş verən dəyişiklilərindən ən nəzərə çarpanı avqust ayında Internet Explorer-in payının 1 % azalmasıdır. Firefox, Safari və Opera rəqib brauzerləri isə əksinə, bazarda öz paylarını artırıblar.

Abunəçilər mobil telefonları daha gec-gec dəyişməyə başlayıblar

Qualcomm Amerika telekommunikasiya məhsulları şirkəti mobil telefon istifadəçilərinin daha gec-gec telefon dəyişdiyini görüb. Reuters xəbər verir ki, bu barədə şirkətin rəhbəri Pol Yakobs CNBC kabel televiziyasına müsahibə verən zaman söyləyib. Yakobsun sözlərinə görə, son zamanlar istifadəçilərin mobil telefonların dəyişmə tsikli uzadılıb.

Sony korporasiyası yeni məhsullar təqdim etdi

Sony korporasiyası televizor istehsalının genişlənməsi haqda elan verdi. Ən nazik maye kristallı məhsul və Avropada ilk dəfə istifadə olunan OLED TV-ni təqdim etdi. Ilk model - HD-televizor BRAVIA ZX1 özündə yüksək funksionallıq və cəlbedici görkəm əks etdirir.

Müdafiə korpusu olan Motorola Renegade V950 telefonunun təqdimatı keçirildi

Motorola Renegade V950 telefonu 810F hərbi standartlarına uyğun gələn müdafiə korpusuna malikdir. Bu müdafiə, telefonu yüksəklikdən düşmədən, həmçinin içərisinə toz, qum daxil olmasından qoruyur.

Çin hökuməti onlayn oyunlar üzərində nəzarəti gücləndirir

Milli Çin Konqresi komitəsinin nümayəndəsinin verdiyi məlumata görə, dörd milyona yaxın çinli internetdən, xüsusilə də, “qeyri-sağlam” onlayn oyunlardan asılı vəziyyətə düşüb. Onun sözlərinə görə, demək olar ki, 10% istifadəçi internetdən asılılıqdan əziyyət çəkir.

Google şirkəti Explorer-in qatilini yaratdı

Google şirkəti öz servislərinin xidməti altında yaratdığı Chrome brauzerinin beta-versiyasını buraxdı. Axtarış xidməti ilə bərabər Mozilla Firefox-un da işini maliyyələşdirən Google İnternet Exploreri sıxışdırmaqda davam edir. Bununla da, Google internet şirkəti Microsoft-la mübarizədə ikinci front açdı.

Çində saniyədə 100 trilyon əməliyyat həyata keçirən super sürətli kompüter icad edilib

Çin Elmlər Akademiyası nəzdində elektron-hesablayıcı maşınlar institutu və “Şuquan” informasiya texnologiyaları şirkəti yüksək sürətli kompüter icad edib. Kompüter saniyədə 100 trilyon əməliyyat həyata keçirmək imkanına malikdir.

Apple sentyabrın 9-da San-Fransiskoda Let”s Rock adlı tədbir keçirəcək

Apple şirkəti sentyabrın 9-da Let”s Rock adlı xüsusi tədbir keçirəcək. Keçən ay yeni məhsulların təqdim ediləcəyi barədə artıq şaiyələr yayılmışdı. Indi isə Apple yayılan məlumatları təsdiq etdi. Let”s Rock təqdimat mərasimində hansı məlumatların veriləcəyi hələ dəqiq bəlli deyil. Mütəxxəssislər belə fikirdədilər ki, prezentasiya musiqi qurğuları ilə bağlı olacaq.

Spamlar elektron poçtun ilk hərfindən asılıdır

NTV-nin məlumatına görə, Kembric universitetinin alimləri müəyyənləşdiriblər ki, arzuolunmaz məktubların gəlməsi elektron poçtun birinci hərfindən asılıdır. Spamların 40 faizi A, M, S, P hərfləri ilə başlayan e-mail-lərə göndərilir.

Fujitsu AMILO Si 3655 noutbukları

Fujitsu Siemens Computers şirkəti Intel Centrino 2 - AMILO Si 3655 platforması əsasında olan noutbuk təqdim etdi. Yeni noutbuk layiqli görkəm, yüksək sürətlilik və səmərəlilik axtaranlar üçündür. Nazik ağ-sədəf rəngli, 2,3 kq çəkisi olan noutbukunun BrilliantView ekranı yaxşı rəng ötürücüsü, yüksək keyfiyyətli təsvir və kontrasta malikdir.

“Kasperskiy laboratoriyası” avqust ayı üzrə zərərli proqramların reytinqini açıqladı

“Kasperskiy laboratoriyası” statistik məlumatlar, antivirus məhsulları şirkətlərinin 2009 versiyası əsasında formalaşan zərərli proqramların reytinqini açıqladı. Hesablamalara görə, keçən ay yoluxucu kompüterlərdə ən çox troyan proqramı - DNSChanger.ech. aşkarlanıb.

Yahoo! özünün Mash sosial şəbəkəsinin fəaliyyətini dayandırır

Yahoo! İnternet şirkəti özünün Mash sosial şəbəkəsinin fəaliyyətini dayandıracaq. Bu barədə şirkət tərəfindən bütün istifadəçilərə rəsmi bildiriş göndərilib. Yahoo!-nun məktubunda qeyd olunur ki, Mash sosial şəbəkəsi cari ilin 29 sentyabr tarixində bağlanacaq.

Best Of Blogs-2008 5-ci beynəlxalq bloqlar müsabiqəsinə start verilib

"Alman dalğası" teleradio şirkəti Best Of Blogs-2008 – 5-ci beynəlxalq bloqlar müsabiqəsinin başlaması barədə elan edib. 31 avqust tarixindən etibarən dörd həftə ərzində layihənin saytında istifadəçilər bəyəndikləri bloqları 16 müsabiqə nominasiyası üzrə iştirak üçün təqdim edə bilərlər.

İntel korporasiyası Opened Hand şirkətini aldı

İntel korporasiyası əsası Londonda qoyulan Opened Hand şirkəti ilə müqavilə imzaladı. Opened Hand firması Linux əməliyyat sistemi və mobil qurğular üçün istifadə olunan serverlər əsasında ixtisaslaşdırılıb. İntel Open Source Technology Center-ə birləşdikdən sonra Opened Hand onun bölmələrindən biri olacaq və Linux əsasında portativ qurğular üçün proqram platformasının yaradılması ilə bağlı Moblin layihəsinin reallaşmasında birgə fəaliyyət göstərəcəklər.

Microsoft Windows Mobile proqramları üçün mağaza açacaq