“Getdikcə insanlar texnologiyanın qulu olurlar”- Müsahibə

25-02-2016 / 14:20

Xeberler.az-ın “İnformasiya texnologiyaları tanınmışların həyatında” rubrikasının növbəti qonağı müğənni Sevinc Musayevadır.

Sevinc Musayeva ilə müsahibəni təqdim edirik:

-Sevinc xanım, internetdən daha çox hansı məqsədlə istifadə edirsiniz?

-İnternetdə yalnız mənə maraqlı olan məlumatları araşdırıram. Ən çox dini mövzulara görə araşdırmalarım olur. Bir də cizgi filmlərinə baxmaq üçün istifadə edirəm.

-Hansı elektron poçt ünvanından istifadə edirsiniz?

-Gmail-dən istifadə edirəm. Youtube-da isə şəxsi hesabım var. Elektron poçtumu gün ərzində tez-tez yoxlayıram.

- İşdən evə gedəndə, evdə də mobil telefondan , planşetdən və ya kompüterdən istifadə edirsinizmi?

-Bəli, telefondan mütəmadi şəkildə istifadə edirəm.

-İnformasiya təhlükəsizliyinizi necə qoruyursunuz? Şəxsi hesabınızı başqasına etibar edirsinizmi? Həmin şəxsin sizin üçün təhlükəli olmadığını necə müəyyən edirsiniz?

-Əvvəllər etibar edirdim. Amma indi yox. Çünki müəyyən zərbələr aldım. Hazırda Facebook səhifəmin bir admini var. Həmin insan savadlıdır və işinin öhdəsindən mükəmməl gəlir. Amma İnstagram səhifəmi özüm işlədirəm.

-Hansı sosial mediadan aktiv istifadə edirsiniz?

-İnstagramdan daha aktiv istifadə edirəm.

-Facebookun imkanlarından necə, yetərincə bəhrələnirsinizmi?

-Facebook-da hec bir qrupda yoxam. Facebook-da mesaj qutumda oxunmamış 20 mindən çox SMS var. Facebok deyəsən mənə maraqsızdır(gülür). Zarafat edirəm, qorxuram ki, həmin mesajlara cavab versəm, sualların ardı yenə gələcək.

-Tez-tez şəkil paylaşırsınızmı?

-Bəli paylaşıram və çox vaxt içimdən gələn düşüncələrlə paylaşıram. Maraqlı aforizmlər və tablolar olanda hətta like edirəm.

-Özünüzü və cəmiyyəti texnologiyalardan asılı hesab edirsinizmi?

-Getdikcə insanlar texnologiyadan asılı yox, texnologiyanın qulu olurlar.

-Mobil internetdən istifadə edirsinizmi?

-Mobil internetdən daha çox Whatsappda lazımi məlumatları əldə etmək üçün istifadə edirəm. Çəkilişlərdə olarkən çəkdirdiyim şəkilləri anında İnstagramda paylaşmaq üçün mobil internet çox köməyimə gəlir.

-Xaricdə səfərdə olarkən Rouminq xidmətindən istifadə edirsiniz?

-Olduğum məkanda WiFi varsa, istifadə edirəm. Yoxdursa, beynim sakit və rahat

olur(gülür).Yəni Rouminqdən istifadə etmirəm.

- Whatsapp bu gün insanların işini daha da asanlaşdırıb. Bu fikirlə razısınızmı?

-Whatsapp-dan lap əvvəllər də istifadə edirdim. Sonra bir neçə il bağladım. Bu yaxınlarda yenidən Whatsapp-ı aktiv etdim. Çünki, Whatsapp-dan vacib olan bütün məlumatları əldə edirəm. Amma saatlarla Whatsapp-da yazışmaqdan zəhləm gedir.

-Bir telefon zənginin və ya mesajın gəlişini bildirən xəbərdarlığa cavab vermək üçün öz naharınızı dayandıra və ya görüşünüzü yarımçıq saxlaya bilərdinizmi?

-Baxır mesaja və zəngə. Əgər bu zəng ailəmdəkilərdən gəlirsə əlbəttə bəli.

-Yazışmalarda, paylaşımlarda etika qaydalarını gözləyirsinizmi? Gözləməyənlərə reaksiyanız necə olur?

-Nəinki yazışmalarda, hətta adi həyatda danışanda belə etika qaydalarına əməl etmək lazımdır. O ki, qaldı etikadan kənar yazılan rəylərə- bu ən azından insanın evdə aldığı tərbiyədən xəbər verir. Məşhur yazıçı Höte demişdir: İnsan hər gün bir parça musiqi dinləməli, yaxşı bir kitab oxumalı, gözəl bir rəsm görməli və mümkünsə bir neçə məntiqli cümlə söyləməlidir.

-Gənc oğlan və qız qarşı-qarşıya əyləşiblər və öz mobil telefonunda nəyləsə məşğuldur. Buna münasibətiniz necə olardı?

- Münasibətim çox pis. Zənnimcə bu bir-birinə hörmətsizlik əlamətidir.

-Soruşmaq istədiyiniz hansısa sualı yaxınlığınızda olan birisinə və ya iş yoldaşınıza şəxsən verərdiniz ya email-mesajla yazardınız?

-Üzbəüz soruşardım. Çünki o insanın gözündəki və üzündəki reaksiya mənə daha maraqlıdır.

Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.