«Amerikanın səsi» və «Azadlıq» radiolarının Azərbaycan xidmətlərinin Türksat peyki vasitəsi ilə yayımı oktyabrın 27-dən dayandırılıb. «Azadlıq» radiosunun internet səhifəsində radioların yayımının dayandırılmasını texniki səbəblərlə izah edirlər. Amma texniki problemin nə vaxt aradan qaldırılması ilə bağlı hər hansı məlumat verilmir.Amma bununla yanaşı, Türksat peykinin tezliklər sıyahısından da hər iki radionun adı və tezlikləri ilə bağlı məlumatlar çıxarılıb.
Adətən texniki problemlər baş verəndə peyk xidməti dinləyicilər üçün həmin səhifədə məlumat yerləşdirir və problemin nə vaxt aradan qaldırılacağını yazır. Türksat-da Amerika radiolarının yayımının dayandırılması həm də Türkiyə baş naziri Rəcəb Teyyub Ərdoğanın İrana səfər etdiyi günə təsadüf edir. Müşahidəçilər hesab edir ki, Türksat vasitəsi ilə yayımlanan Amerika radioları İranda daha çox məlumat mənbəyi kimi dinlənilir.
Onların gümanına görə, Amerika radiolarının yayımının dayandırılması İran tərəfinin xahişi ilə baş verə bilər. Qeyd edək ki, ötən il Türksat-da İranda yaşayan azərbaycanlıların problemləri ilə bağlı verilişlər yayan Amerikanın Çikaqo şəhərində qeydiyyatdan keçən «GünAz» televiziyasının yayımı da səbəb göstərilmədən dayandırılıb. http://musavat.com/
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları