Azərbaycan Texniki Universitetinin (AzTU) İnkubasiya Mərkəzində təşkil olunan “Startap Günləri” innovasiya tədbirinin ilk günü uğurla baş tutub. Tədbirdə Azərbaycan Texniki Universiteti ilə yanaşı Bakı Dövlət Universiteti (BDU) və Azərbaycan Memarlıq və İnşaat Universitetinin (AzMİU) tələbələrindən ibarət komandalar iştirak ediblər.
Tədbirin açılış nitqini AzTU İnkubasiya Mərkəzinin koordinatoru Azad Musayev edərək “Startap Günləri”nin məqsədi, gedişatı və tələbələr üçün yaradılan imkanlar barədə ətraflı məlumat verib.
Daha sonra Azərbaycan Texniki Universitetinin rektorunun rəqəmsal məsələlər üzrə məsləhətçisi, Startap Azərbaycan platformasının rəhbəri Osman Gündüz çıxış edərək ölkədə startap ekosisteminin inkişafı, gənclərin innovativ təşəbbüslərə cəlb olunması və bu kimi tədbirlərin əhəmiyyəti barədə fikirlərini bölüşüb.
Tədbirin ilk günü çərçivəsində iştirakçılar tərəfindən ümumilikdə 22 innovativ ideya səsləndirilib. Aparılan qiymətləndirmə və səsvermə nəticəsində 7 ən perspektivli ideya seçilərək komandalar formalaşdırılıb.
Komandalar gün ərzində mentor və ekspert dəstəyi ilə layihələri üzərində işləməyə başlayıblar. Birinci gün ərzində mentor Orxan Əhmədov və Azərbaycan Texniki Universitetinin İTT fakültəsinin tələbəsi Nihad Əliyev iştirakçılara layihələrin inkişafı, komanda işi və təqdimat mərhələləri üzrə dəstək göstəriblər.
Tədbirin ikinci günündə komandalar hazırladıqları layihələri münsiflər heyətinə təqdim edəcək və ideyalar innovativlik, reallaşdırılma potensialı və biznes dəyəri meyarları üzrə qiymətləndiriləcək. Qalib komandalar isə qiymətli hədiyyələrlə mükafatlandırılacaq.
“Startap Günləri”nin əsas məqsədi ölkədə startap ekosisteminin inkişafına töhfə vermək, gənclərin ideya istehsalında və biznes quruculuğunda fəal iştirakını təşviq etmək və yeni startapların formalaşmasını stimullaşdırmaqdır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları