5G şəbəkəsi üzrə sınaqlar keçirilib

12-10-2015 / 11:09

Çinin Huawei şirkəti Yaponiyanın NTT docomo mobil rabitə operatoru ilə əməkdaşlıq çərçivəsində Yaponiyada səhra şəraitində beşinci nəsil mobil rabitə şəbəkəsi texnologiyalarının (5G) sınaqlarını keçirib.

Xeberler.az xarici mətbuata istinadən bildirir ki, 6 QHs tezliyindən aşağı tezlikdən istifadə edən şirkətlər məlumatları 3,6 Gbit/saniyə sürətində ötürməyə nail olublar. Sınağın əhəmiyyəti ondan ibarətdir ki, bu tezliklərdən mövcud şəraitdə istifadə edildiyi halda Nokia və Samsung kimi digər şirkətlər yeni infrastruktur tələb edən tezliklərdən istifadə edirlər.  

“Sahənin 5G-ni 2020-ci ilədək kommersiyalaşdırmağa imkan verməsi sevindirici haldır və  Huawei və NTT docomo mütəxəssisləri bunun üçün böyük səy göstərirlər. Mən Yaponiyada keçiriləcək növbəti sınaq mərhələsindən böyük nəticələr gözləyirəm”, - NTT docomo operatorunun vitse-prezidenti Takehiro Nakamura bildirib.

“Səhra şəraitində birgə sınaqlar Huawei şirkətinin 5G şəbəkəsinin 2018-ci ilədək hazırlanması ilə bağlı öhdəliklərinin yerinə yetirilməsi istiqamətində irəliyə atılmış böyük addımdır. Əminəm ki, bu sınaqdan öyrəndiklərimizdən texnoloji nailiyyətlərdə öz əksini tapacaq”, - Huawei Wireless şirkətinin baş texniki direktoru Ven Tonq qeyd edib.

Qeyd edək ki, kommersiya istifadəsinə 2020-ci ildə başlanacaq 5G mobil şəbəkəsinin buraxılış qabiliyyəti 3G ilə müqayisədə min dəfə çox olmaqla enerji sərfiyyatını 10 dəfə azaldacaq.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.