5G qurğusunun ilk prototipi yaradılıb

31-08-2015 / 22:38

İsveçin Ericsson şirkəti 5G yüksəksürətli mobil rabitə standartını dəstəkləyən qurğunun ilk prototipini yaradaraq onun ABŞ-ın Pleyno şəhərində və İsveçin paytaxtı Stokholmda sınaqlarına başlayıb.  

Xəbərlər RYTN-in rəsmi saytına istinadən bildirir ki, sınaqlar zamanı qurğu məlumatları 2 Qbit/saniyə sürətində ötürməyə nail olub ki, bu da müasir 4G rabitə standartının imkanlarını on dəfə üstələyir. Lakin texnologiyanın tezliklə tətbiq edilməsi barədə danışmaq hələ ki tezdir. Çünki Ericsson qurğusunun prototipi çox ağırdır və onun daşınması üçün araba lazımdır.

Lakin şirkət nümayəndələrinin sözlərinə görə, qurğu prototipinin sınaqları başa çatdıqdan sonra tezliklə onun kompakt analoqlarını yaratmaq mümkün olacaq. Bununla yanaşı, yeni standart üçün sonradan lazımi infrastrukturun qurulması tələb olunacaq ki, bu məsələ ilə rabitə operatorları məşğul olacaq.  

Xatırladaq ki, 5G texnologiyalarının hazırlanması ilə digər telekommunikasiya şirkətləri də məşğuldur. Məsələn, Samsung şirkəti ötən ilin oktyabrında 5G şəbəkəsinin sınaqlarını keçirib. Məlumatların ötürülmə sürəti qəbuledici və ötürücü işlək vəziyyətdə olmayan zaman 7,5 Qbit/saniyə (940 Mb/saniyə) təşkil edib.

Proqnozlara görə, 5G şəbəkəsinin kommersiya istifadəsinə 2020-ci ildə başlanılacaq.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.