RƏQƏMSAL DÜNYA

WoWoman Azərbaycan qadınların inkişaf platformasının ABŞ Səfirliyinin dəstəyi ilə həyata keçirildiyi “WoWoman in Me” 6 həftəlik intensiv liderlik və mentorluq proqramının bağlanış konfransı keçirilib.

Xeberler.az-ın məlumatına görə, konfransda müxtəlif sektordan 200-ə qədər  iştirakçı olub.

Platformanın təsisçisi Zara Hüseynova çıxışında qeyd edib ki, bu proqramı Harvard, Stanford, Massaçusets Texnologiya İnstitutu (MIT) da daxil olmaqla, TED konfranslar,  tədbirlər və təlimlərdə öyrədilən təcrübəyə əsaslanaraq təşkil edilib.

Tədbirin xüsusi qonağı Google şirkətinin rəsmisi Nina Levçuk cəmiyyətin inkişafında mentorluğun rolundan danışıb.

Avropa İttifaqının ölkəmizdəki Birinci Müşaviri Denis Daniilidis isə stereotiplərdən azad olaraq, gələcəyi dəyişdirməyin mümkünlüyünü vurğulayıb.

ABŞ Səfirliyinin İctimaiyyətlə Əlaqələr üzrə söbə müdiri Karolina Savec öz təcrübəsinə əsaslanaraq karyera qurmaqda kömək ola biləcək vasitələrdən, xüsusi ilə çevrənin formalaşmasından danışıb.

Panel müzakirələri “Qadınların inkişafında qeyri-formal təhsilin rolu” və “Qadın sahibkarların biznes dünyasında əhəmiyyəti” mövzularının əhatə edib.

Proqramda iştirak edən 9 komandadan 3-ü qalib seçilib. Belə ki, “Little Voice”, “Waste Management və “Health Zone” layihələrinə medallar təqdi edilib.

 Tədbirdə daha sonra WoWoman qadınların inkişaf platformasının 2018-ci il üçün planları açıqlandı, məktəblərdə, universitetlərdə, xüsusən də regionlarda keçirmək istədikləri təlimlər haqqında məlumat verilib. 

Xeberler.az