TƏDBİRLƏR

1 il ərzində xanımların inkişafı üçün müxtəlif formatda tədbirlər keçirən WOWOMAN platforması Fairmont oteldə fəaliyyətin ilk ilini qeyd edib.

Xeberler.az-ın məlumatına görə,  tədbir tanınmış blogerləri, media nümayəndələrinin, yerli və xarici şirkətlər rəhbərlərinin iştirakı ilə yaddaqalan olub. Açılış nitqində dəstəyə görə Fairmont Otelə təşəkkürünü bildirən platformanın təsisçisi Zara Apetrei Hüseynova, daha sonra 1 illik fəaliyyətləri haqqında öz təqdimatında danışıb. Tədbirin əsas hissəsində #Qorxmasaydım adlı video çarx təqdim olunub.

Zara Apetrei Hüseynova video çarxı təqdi edərək deyib ki, #Qorxmasaydim məhz  əziz xanımlar üçündür:

“ Bu, bizim ehtiyacımız olan kiçik motivasiyadır. Hər birimizdə müxtəlif qorxular olur: tək qalmaq, yalnış yolu seçmək, səhv etmək, dəstək görməmək kimi. Əsas o qorxulara düşmən kimi yox, yol göstərən kompas kimi baxmaqdır. Məhz onlar istədiyimiz həyatla aramızda duran sərhəddir, qorxuları aşmaqla bütün xəyallarımızı gerçəkləşdirə bilərik." 

Bundan əlavə, WOWOMAN "Özünü İfadə Et" online platformanın və "My WOWOMAN book" xüsusi dizaynla hazırlanmış gündəliyinində təqdimatını edib. Həyatlarını dəyişmiş və arzularını reallaşdırmış xanımların uğur hekayələrini və əzm göstərərək əldə etdiklərini artıq www.wowoman.org saytı vasitəsilə oxuya bilərsiniz. "Bu platforma xəyal etməyə cəsarət edən və xəyallarının ardınca gedən bütün xanımlar üçündür. Təcrübəmizi və biliklərimiz bölüşərək, birlikdə daha çox müvəffəqiyyət əldə edə bilərik, buna ürəkdən inanırıq", -deyə xanım Hüseynova çıxışında qeyd edib.

O deyib ki,  "My WOWOMAN book" isə gündəlik planlarınızı ən gözəl şəkildə əks etdirəcəyiniz bir dəftərdir:

“Hərdən xəyal edirik, lakin zamanla onları unuduruq. Gündəliyin yaranmasında əsas məqsəd isə məhz bu xəyallarımızı qeyd edib, onların arxasınca getməkdir. Xüsusi incəliklə hazırladığımız hər səhifəsində xanımlar özlərinə aid nəsə tapacaqlar və gələcəkləri üçün mükəmməl planlarını "My WOWOMAN book" vasitəsilə həyata keçirə biləcəklər."

Yekunda il ərzində ən çox dəstək göstərən təlimilər, partnyorlar və media nümayəndələri təltif olunub.

Xeberler.az WOWOMAN –nin “The Best Partner “ medalına layiq görülüb.

Xanım Hüseynova bu tədbirin ərsəyə gəlməsində köməyi olan Yüksək Texnologiyalar Parkı, Barama innovasiyalar mərkəzi, Andrews Ties, Seyidbeyli, Jane Packer, P&G, Konsis, Microsoft, Fast Print, Duyme, Schwarzkopf Professional  və digər partnyorlara və media nümayəndələrinə də xüsusi təşəkkürünü bildirib.

Qeyd edək ki, WOWOMAN qadınların peşəkar və fərdi inkişafı üçün yaradılan platformadır və əsas məqsədi - xanımların özlərini ifadə edəcəkləri, şəxsi və professional bacarıqlarını inkişaf etdirəcəkləri və özlərinə inamı artıracaqları platforma yaratmaqdır. 

Məltəm Talıbzadə