Avropa mobil rouminqi ləğv edir

22-09-2016 / 11:49

21 sentyabr tarixində Avropa Komissiyası Avropa Birliyi ölkələrində mobil rouminqi ləğv etməyə dair qərar qəbul edib.

Rəqəmli iqtisadiyyat və informasiya cəmiyyəti üzrə Avropa komissarı Hünter Ettinqer bu fikri səsləndirib.


Xeberler.az RYTN-in elektron xəbər xidmətinə istinadən məlumat verir ki, onun sözlərinə görə, Avropa Komissiyası 2017-ci il 15 iyun tarixindən rouminqin tam ləğvi barədə razılığa gəlib.

Avropa Birliyi ölkələri arasında səyahətlər zamanı bütün rouminq tariflərinin ləğvi haqda uzun müddətdir danışıqlar gedir. Bu müddət ərzində tariflərin dəyəri bir neçə dəfə aşağı endirilib. Belə ki, 2016-cı ilin aprelində ev regionundan kənar, amma Avropa Birliyi daxilində olan abunəçi üçün çıxan danışığın dəqiqəsinin dəyəri 0.05 avro, SMS-in dəyəri 0.02 avro, 1 meqabayt internet trafikin dəyəri isə 0.05 avro təşkil edib.

2014-cü ildə Avropada keçirilmiş genişmiqyaslı araşdırmaya əsasən, istifadəçilərin 47%-i səfər zamanı mobil internetdən istifadə etmir, yalnız hər bir onuncu abunəçi adi rejimdə elektron poçtdan istifadə edir və rəyi  soruşulmuşların 25%-dən çoxu, sadəcə, öz mobil telefonlarını söndürürlər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.