Avropa Komissiyası Avropa İttifaqı daxilində rouminq ödənişinin tam ləğvi haqda razılığa gəlib.
Xeberler.az RYTN-in elektron xəbər xidmətinə istinadən məlumat verir ki, Avropa Komissiyasının vahid rəqəmli bazar məsələləri üzrə komissarı Andrus Ansip deyib ki, 15 iyun tarixindən Avropa sakinləri üçün mobil xidmətlərə görə maksimum ödəniş məhdudlaşdırılacaq.
Avropa Komissiyası rəqəmli məzmun, elektron ticarət və mobil rabitə xidmətləri üçün ödənişi məhdudlaşdırmağa çalışaraq 2015-ci ildən rouminq ödənişinin ləğvi planını reallaşdırmağa çalışır. Gəlir həcminin azalmasından narahat olan mobil operatorlar və məlumatlardan istifadəyə qoyulacaq məhdudiyyətlərdən narahat olan abunəçilər bu ideyaya qarşı sərt müqavimət göstəriblər.
VentureBeat nəşri yazır ki, Avropa Komissiyası operatorlar arasında xərclərin bölüşdürülməsi və onların müştəriləri üçün məlumatlardan istifadə limitinin tədricən aradan qaldırılması haqda razılığa gəlib. "15 iyun tarixindən etibarən avropalılar Avropa Birliyi daxilində rouminq ödənişi etmədən səyahət edə biləcəklər".
Beləliklə, 2017-ci ilin 15 iyun tarixindən zənglər, SMS və mobil internet trafiki üçün ödəniş Avropa ölkələrinin sakinləri üçün eyni olacaq.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları