SOSİAL MEDIA

Sığorta və aktivlərin idarə edilməsi üzrə dünya lideri olan Fransanın AXA qrupu Çinin elektron ticarət nəhəngi – Alibaba qrupu, eləcə də onun törəməsi olan Ant Financial Services şirkəti (Alibaba-nın ödənişlərinə nəzarət edir, Alipay kimi tanınır) ilə tərəfdaşlıq edəcək.

Xeberler.az Report-a istinadən məlumat verir ki, tərəfdaşlığın məqsədi birgə innovativ məhsulların hazırlanması, yeni bazarların və seqmentlərin öyrənilməsidir. Qlobal biznesin tələbləri, əmtəə və xidmətlərin müştərilərə daha əlçatan edilməsi istəyi iki nəhəng şirkətin bir araya gəlməsinə səbəb olub.

"Çin şirkəti ilə tərəfdaşlıq unikal, qlobal və birbaşa yayım kanalı deməkdir. Biz "Alibaba-nın müştərilərinə xidmət göstərmək, onlara innomativ sığorta məhsulları və xidmətləri təklif etmək üçün səbirsizliklə gözləyirik. Bu həm də AXA-ya bir nörməli beynəlxalq sığortaçı kimi Çin bazarında inkişaf etmək imkanı verəcək", - deyə AXA qrupunun baş direktor müavini Tomas Baberl bildirib.

"Bu tərəfdaşlıq həm də Alibaba üçün öz fəaliyyətini yeni bazarlara doğru genişləndirmək, məhsul və xidmətlərini transformasiya etmək imkanı yaradır. Elektron ticarət bazarı sürətlə böyüyür. Buna görə də, bizim üçün xidmət və təkliflərimizi biznesin və istehlakçıların tələbinə uyğun inkişaf etdirmək çox vacibdir. AXA ilə əməkdaşlıq "Alibaba"ya yeni qərarlar qəbul etmək və yekunda müştərilərə göstərilən xidmətin keyfiyyətini yaxşılaşdırmaq şansı verəcək", - deyə Alibaba qrupunun prezident Maykl Evans deyib.

Xeberler.az