TENDER

Çinin elektron ticarət nəhəngi  olan Alibaba Hong Kong mərkəzində   fəaliyyət göstərən qəzet-  South China Morning Post-u satın alıb.

Xeberler.az xarici mətbuata istinadən məlumat verir ki, bu qərar artıq rəsmiləşib və Alibaba ənənəvi mediaya yatırım edən  texnoloji şirkətlər sırasına daxil olub.

SCMP Group-un da bütün hissələrini satın alan Alibaba bunun üçün  2,06 milyon Hong Kong dollar (773 milyon TL)  ödəniş edib.

100 ildən çox tarixi olan South China Morning Post-un ingilis dilində məlumatlar yayımlaması  Alibaba-nın  ingilis dilində yazıb- oxuyan  kütləsi üzərində təsirinin daha çox olacağına işarədir.

Qeyd edək ki,  hazırda bu məsələ dünya mediasında geniş müzakirəyə səbəb olub. Hər kəs qəzetin bundan sonrakı fəaliyyəti ilə maraqlanır.

Alibaba-nın bu xəbəri rəsmi olaraq gec açıqlamasına nazarılıq bildirənlərə cavab olaraq  şirkət rəsmisi Joe Tsai bildirib ki,  Çin üçün yaxşı olan hər şey Alibaba  üçün də yaxşdır.

Bu hadisədən sonra SCMP-nin daha əvvəl  MyDress adlı e-ticarət startapı ilə bağladığı müqavilənin ləğv ediləcəyi müzakirə edilir.

Xatırladaq ki,  Amazon-un  qurucusu Jeff Bezos da Washington Post-u satın alaraq ənənəvi mediaya güclü təsir etmişdi.

 Məltəm Talıbzadə