Alibaba internetdə satış rekordu qırdı

12-11-2015 / 12:24

Dünən Çində “Yalnızlar Günü” ( Subaylar) ilə bağlı onlayn alış-veriş  zamanı Alibaba rekorda imza atıb.

Xeberler.az xarici  mətbuata  istinadən  bildirir ki, Subaylar Gününün  ilk səkkiz dəqiqəsində Alibaba 1 milyard, ilk saatında də 3,9 milyard dollarlıq satış edib.

Qeyd edək ki, bu rəqəmin keçən il eyni saatda edilən 2 milyard dollarlıq satışın az qala iki qatı olduğu bildirilir.

Sayt rəsmiləri bildirib ki,  bu il ümumi satışın da keçən ilki 9,3 milyard dolları keçməsini gözləyirlər.

İlk bir saat alış-verişlərin böyük bir qismi mobil cihazlarla keçirilib.

Alibaba rəsmilərindən  Daniel Zhang  açıqlamasında  deyib ki, bütün dünya Çinin istehlak gücünə şahid olacaq.

Zhang onu da bildirib ki,  sayt  24 saat davam edəcək alış-veriş marafonunda istehlakçılara müxtəlif sürprizlər edəcək.

Çində internetdən aparılan alış-verişin 80 faizi  Alibaba saytı üzərindən həyata keçirilir.

Qeyd edək ki, Alibaba 2009-cu ildən bu kimi tədbirləri izləyir və belə özəl günlərdə  sərfəli xidmətlə əhatə dairəsini daha da geniləşdirir.  

Alibaba əsasən əhalinin sıx olduğu ölkələrdə xidmət göstərməyə maraqlıdır. 

 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.