Azərbaycan senzuralı İnterneti olan ölkələr siyahısına daxil edilib
04-11-2008
15:24
“Новости-Азербайджан” xəbər verir ki, DailyBits xəbər portalında İnternetdə güclü senzurası, eləcə də, Azərbaycan da daxil olmaqla nisbətən zəif senzuralı ölkələr siyahısı elan edilib.
Ilk yerləri ciddi dövlət nəzarəti ilə Yaxın şərq ölkələri tutur.
Ən çox senzura tətbiq olunan ölkələrə
Pakistan, Birma, Yəmən, Şimali Koreya (KXDR), Səudiyyə Ərəbistanı, Kuba, Çin, BƏƏ, İran daxil edilib.
Bu ölkələrdə siyasi, antiislam və pornoqrafik məzmunlu saytlar qadağan edilib. Dövlət istəmədiyi informasiyanı yoxlayıb bağlamaq iqtidarındadır. Onlarda mövcud siyasi rejimə qarşı tənqid qadağandır. Dini və pornoqrafik saytlara, böyük qərb servislərinə çıxış yoxdur, internet polisi mövcuddur, İnternetdə forumlara nəzarət edən xüsusi idarə fəaliyyət göstərir.
Nisbətən zəif senzuraya malik ölkələr arasında isə Cənubi Koreya, Tayland, Sinqapur, Vetnam, Hindistan, Türkmənistan, Tacikistan, Özbəkistan, Oman, Bəhreyn, Azərbaycan, Suriya, İordaniya, Efiopiya, Sudan, Liviya, Tunis, Mərakeş və s. ölkələrin adları çəkilib.
Mənbə: Day.az
