Azərbaycanda 2013-cü ilə kimi rabitə və İT sahəsinin prioritetləri müəyyənləşib

17-04-2009 / 13:17

Prezident İlham Əliyev tərəfindən 14 aprel 2009-cu il tarixində təsdiq olunmuş “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı” üzrə ölkə əhəmiyyətli tədbirlərdə rabitə xidmətlərinin yaxşılaşdırılması istiqamətində regionlarda universal rabitə xidmətinin inkişaf etdirilməsi (2009-cu il), “Azdatakom” şəbəkəsinin xidmətlərinin regionlarda tətbiqinin genişləndirilməsi (2009-2012-ci illər) və ölkədə rəqəmsal TV yayım şəbəkəsinin təşkilinin dəstəklənməsi (2009-2012-ci illər) nəzərdə tutulur.

Bakı şəhərində rabitə sahəsinin təkmilləşdirilməsi üzrə paytaxtın poçt şəbəkəsinin optimallaşdırılması (2009-2012-ci illər), Bakı şəhəri və ətraf qəsəbələrdə yaşayan əhaliyə rabitə xidmətinin yaxşılaşdırılması məqsədilə mövcud ATS-lərin rekonstruksiyası və elektronlaşdırılması (2009-2012-ci illər) planlaşdırılır.

Qeyd edək ki, Dövlət Proqramında qeyd olunmuş tədbirlərin icrasının dövlət büdcəsi, büdcədənkənar dövlət fondları, idarə, müəssisə və     təşkilatların, Sahibkarlığa Kömək Milli Fondunun və “Azərbaycan İnvestisiya Şirkəti” ASC-nin, yerli və xarici sahibkarların, beynəlxalq təşkilatların və xarici dövlətlərin maliyyə vəsaitləri eləcədə digər mənbələr hesabına maliyyələşdirilməsi nəzərdə tutulur.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.