TƏDBİRLƏR

İclası giriş sözü ilə açan rabitə və informasiya texnologiyaları nazir Əli Abbasov Azərbaycan Prezidenti İlham Əliyevin rəhbərliyi ilə həyata keçirilən uğurlu siyasət nəticəsində ötən müddət ərzində ölkə iqtisadiyyatının bütün sahələrində sürətli inkişafa nail olunduğunu qeyd edib.

Nazirlər Kabinetinin 2009-cu ilin 9 ayının sosial-iqtisadi inkişafının yekunlarına həsr olunmuş geniş iclasında ölkə başçısının proqram xarakterli çıxışında səslənən fikirlərindən və bu sahədə irəli gələn vəzifələrdən danışan nazir bütün sahələrdə olduğu kimi rabitə və informasiya texnologiyaları sahəsində də qənaətbəxş nailiyyətlər əldə olunduğunu bildirib. Nazir öz çıxışında ölkə ərazisinin tamamilə telefonlaşdırılması, əhalinin internetə çıxış imkanlığının daha da asanlaşması, regionlarda genişzolaqlı internet xidmətlərinin tətbiqi və TAE fiber-optik kabel xəttinin genişləndirilməsindən danışaraq, digər həlli vacib olan məsələlərə də toxunubDaha sonra, Nazirliyin Maliyyə, uçot və iqtisadi təhlil şöbəsinin müdiri Rəşad Nəbiyev 2009-cu ilin I rübünün yekunları ilə bağlı məruzə ilə çıxış edib.

Hesabat dövründə əldə olunan uğurları diqqətə çatdıran məruzəçi bildirib ki, 2009-cu ilin 9 ayı ərzində İKT və poçt sektorunda əldə olunan gəlirlərin həcmi ötən ilin müvafiq dövrü ilə müqayisədə 9,3% artaraq 778,6 milyon manat təşkil edib. Məruzədə bildirilib ki, respublikanın telefon şəbəkəsində elektron ATS-lərin xüsusi çəkisi 01.10.2009-cu il tarixinə olan məlumata görə, 84,2%-ə, Bakı şəhər telefon şəbəkəsində və respublikanın digər bölgələrində isə müvafiq olaraq 85,7 və 82,6%-ə çatdırılıb. Respublika üzrə əhalinin hər 100 nəfərinə düşən telefon aparatlarının sayı   15,7 ədəd təşkil edib. Bu göstərici Bakı şəhəri üzrə 34,2 ədəd, respublikanın digər ərazilərində isə 10,2 ədədə yüksəlib. İlin əvvəli ilə müqayisədə hesabat dövründə mobil abunəçilərin sayı 752 000 nəfər artaraq 7 300 000 çatdırılıb ki, bu da hər 100 nəfər əhaliyə 82,0 mobil abunəçinin düşməsi deməkdir. Cari ilin əvvəli ilə müqayisədə respublika üzrə genişzolaqlı internet abunəçilərin sayı 1,5 dəfə artıb.

Hazırda Bakı şəhəri ilə yanaşı, bu xidmətin təşkil olunduğu şəhər və rayonların sayı 50-yə çatdırılıb.  Hesabat dövründə əhalinin hər 100 nəfərinə düşən kompüterlərin sayı 8,0 ədədə, internet istifadəçilərinin sayı 37,0-yə bərabər olub. İclasın sonunda məruzədə səslənən fikir və təkliflərlə bağlı qərar qəbul olunub