Qaxda informatika müəllimləri üçün treninqlərin yekunlarına dair test imtahanları keçirilir

03-07-2009 / 13:23

3 və 4 iyul tarixlərində Qax rayonunun ümumtəhsil məktəblərinin “informatika” fənnini tədris edən müəllimləri üçün təşkil olunmuş tədris kurslarının yekunlarına görə avtomatlaşdırılmış qaydada test imtahanları keçirilir.

Tədris kursları Rabitə və İnformasiya Texnologiyaları Nazirliyinin təşəbbüsü, Təhsil Nazirliyinin, HP şirkətinin dəstəyi və AMEA-nın İnformasiya Texnologiyaları İnstitutunun müəllimlərinin iştirakı ilə keçirilir.

Treninqlərin əsas məqsədi Azərbaycan Respublikası Prezidentinin 11.02.2004-cü il tarixli Fərmanı ilə təsdiq edilmiş “Azərbaycan Respublikası regionlarının sosial-iqtisadi inkişafı Dövlət Proqramı (2004-2008-ci illər)” çərçivəsində regionlarda rəqəmsal geriliyin aradan qaldırılması və İKT sahəsində milli kadrların hazırlanmasıdır.Sabah, test imtahanlarının yekunu olaraq, fərqlənmiş müəllimlərə sertifikatlar təqdim olunacaq.Kurs iştirakçılarına İKT sahəsi üzrə dəyərli kitablar da paylanılacaq.

Bundan əlavə “Ən yaxşı informatika müəllimi” müsabiqəsinin qaliblərinin müəyyən edilməsi nəzərdə tutulur. İlk 5 yeri tutan müəllimlər Rabitə və İnformasiya Texnologiyaları Nazirliyi və HP şirkəti tərəfindən noutbuklarla mükafatlandırılacaqlar.

Xatırladaq ki, Qax rayonunda treninqlərin I və II mərhələləri 5-15 yanvar və 23-31 mart, III mərhələsi isə 15 iyun-3 iyul 2009-cu il tarixlərində keçirilib.İndiyə qədər bu cür tədris kursları Goranboy və Tərtər rayonlarında da təşkil olunmuşdur.Gələcəkdə Rabitə və İnformasiya Texnologiyaları Nazirliyi tərəfdaşları ilə birgə belə tədris kurslarını digər regionlarda da keçirməyi planlaşdırır.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.