Azərbaycanda elektron pullar buraxılacaq

25-09-2013 / 12:42
Azərbaycanda elektron pullar buraxılacaq ki, bu da ölkədə nağdsız ödənişlərin stimullaşdırılmasına gətirib çıxaracaq. Bu barədə jurnalistlərə açıqlamasında Azərbaycan Mərkəzi Bankının (AMB) İdarə Heyəti sədrinin birinci müavini Alim Quliyev bildirib.
Bunu AMB tərəfindən hazırlanan "Ödəniş xidmətləri haqqında" qanun layihəsi nəzərdə tutur.
Quliyev bildirib ki, artıq elektron pulların buraxılışı ilə məşğul olacaq təşkilatlarla bağlı tələblər
müəyyənləşdirilib: Elektron pullardan ticarət və xidmət sahəsində limitlə istifadə edilə bilər".
Onun sözlərinə görə, yekun mərhələdə olan qanun layihəsi qəbul edildikdən sonra elektron pulların emissiya qaydaları hazırlanmalıdır.
Qeyd edək ki, "Ödəniş xidmətləri haqqında" qanun layihəsi ölkədə nağdsız hesablaşmaların və ödəniş xidməti bazarının inkişafı baxımından pərakəndə ödənişlərin nağdsız dövriyyəyə cəlb olunması, ödəniş xidməti bazarında rəqabət mühitinin gücləndirilməsi, üçüncü tərəfin xeyrinə ödənişləri nağd formada qəbul edən təşkilatların və pulköçürmə sistemlərinin fəaliyyətinin tənzimlənməsi, elektron pul və birbaşa debetləşmə kimi yeni ödəniş alətlərinin tətbiqi, habelə ödəniş xidmətləri üzrə tərəflərin hüquq və vəzifələrinin dəqiq müəyyənləşdirilməsi baxımından mühüm əhəmiyyət kəsb edir.
Beynəlxalq təcrübənin təhlili əsasında hazırlanan qanun layihəsinin gələcəkdə qəbul olunması ödəniş xidmətlərinin daha effektiv və təhlükəsiz formada təqdim olunmasını, ölkə üzrə maliyyə xidmətlərinə geniş çıxış imkanını, ödəniş xidmətləri üzrə məlumat şəffaflığını təmin edəcək. (ictnews.az)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.