Mayın 3-də Bakıda Microsoft korporasiyasının qlobal təşəbbüsü olan İnnovasiyalar Günü keçiriləcək. İKT İnformasiya Mərkəzindən verilən məlumata görə, 2011-ci ilin ən iri tədbirlərindən biri olan İnnovasiyalar Günü Rabitə və İnformasiya Texnologiyaları Nazirliyi və Microsoft Azərbaycan, həmçinin Azərbaycanın Ultra və Azerin şirkətləri tərəfindən birgə təşkil olunacaq.
Tədbir zamanı Rabitə və İnformasiya Texnologiyaları Nazirliyinin “e-İmza” layihəsinin rəsmi təqdimatı keçiriləcək. Həmin layihə çərçivəsində Azərbaycanda elektron imzanın geniş şəkildə tətbiqi üçün Microsoft texnologiyası bazasında müvafiq platform yaradılıb. Sözügedən layihə Azerin, Microsoft Azərbaycan və Ultra şirkətlərindən ibarət konsorsium tərəfindən reallaşdırılıb.
Tədbirdə dövlət qurumlarının nümayəndələri, Azərbaycanın aparıcı şirkətlərinin rəhbərləri, həmçinin informasiya texnologiyaları sahəsinin mütəxəssisləri iştirak edəcəklər.
Qeyd edək ki, Microsoft İnnovasiyalar Günü Azərbaycanda ənənəvi olaraq 2007-ci ildən keçirilir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları