Milli Açıq Açar İnfrastrukturunun (PKİ) qurulması barədə elan edilmiş Açıq Tenderin nəticələri açıqlanıb.
08-10-2008
19:27
Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi tərəfindən elektron imzanın tətbiqi üçün Milli Açıq Açar İnfrastrukturunun (PKİ) qurulması barədə “Dövlət satınalmaları” haqqında Azərbaycan Respublikasının Qanununa əsasən elan edilmiş Açıq Tenderin nəticələri açıqlanıb.
Təqdim edilmiş təkliflərin tender komissiyası tərəfindən qiymətləndirilməsi nəticəsində yerli «Ultra Computers», «Azerin» MMC şirkətləri və «Microsoft»-un Azərbaycan nümayəndəliyinin təşkil etdiyi Konsorsium qalib elan olunub. Tenderin qalibi ilə bağlanacaq müqavilə əsasında elektron imzanın tətbiqi üçün zəruri tədbirlər görüləcək, 2009-cu ildə isə ilk elektron imzanın verilməsi nəzərdə tutulub.
Qeyd edək ki, İşlər «Elektron imza və elektron sənəd haqqında» qanuna uyğun həyata keçirilir.
