RƏQƏMSAL DÜNYA

Azərbaycanda cari ilin sentyabr ayının 18-19-unda Sosial Yeniliklər Düşərgəsi (SYD) keçiriləcək. Düşərgə Mərkəzi Praqada yerləşən “Transitions” təşkilatı tərəfindən təşkil olunacaq. Sosial Yeniliklər Düşərgəsi yeni ideyalar və rəqəmsal alətləri 48 saat ərzində bir araya gətirməklə sosial problemlərin həllinə yönəlmiş internet əsaslı yeniliklərin yaradılması məqsədilə təşkil edilir.

Tədbirdə iştirak edə bilər:
a) hər hansı bir sosial problemin həlli üçün internetdə reallaşdırılacaq hazır ideyaları olan, amma bunun üçün şəxsi imkanları olmayan ideya sahibləri. İdeya göndərmək üçün forma: http://1.syd-az.net/ideya-gonder
b) mövcud ideyaları reallaşdırmağa kömək edən iştirakçılar, o cümlədən proqramçılar, veb-developerlər, koderlər, dizaynerlər, bloqçular, marketoloqlar və s. İştirakçı kimi müraciət etmək üçün forma: http://1.syd-az.net/istirak-ucun-muraciet-et

Hər 2 formada müraciət üçün son tarix 1 sentyabrdır.

Məlumat üçün bildirək ki, analoji düşərgələr Böyük Britaniya, Avstraliya, Slovakiya, Koreya və Gürcüstanda da keçirilib.SYD-nin məqsədi əhalinin sosial problemlərini həll edən və digər sosial tələbatlarına cavab verən orijinal layihələrin reallaşmasının dəstəklənməsi və seçilmiş layihəyə pul mükafatının verilməsidir. SYD haqqında daha ətraflı məlumat düşərgənin saytında yerləşdirilib: www.syd-az.net Əlavə məlumat üçün e-mail: [email protected]

xeberler.az/Ellada