TƏDBİRLƏR

Podkast təlimlərində iştirak üçün online müraciətə start verildi

"NETIZEN" Yeni Media təşkilatı Azərbaycanda ilk dəfə keçirilən “PodBloq” podkastinq layihəsi çərçivəsində, 18-19-20 fevral tarixlərində 3 günlük podkast təlimi keçirməyi planlaşdırır.

Bu haqda xeberler.az-a məlumat verən layihənin kordinatoru Jalə Nəcəfovanın sözlərinə görə, təlimdə jurnalistika fakültəsinin tələbələri, jurnalistlər, bloqçular və audio bloqçuluqla məşğul olmaq istəyən gənclər iştirak edə bilərlər. 

Təlimin  məqsədi Azərbaycanda Yeni Medianı inkişaf etdirmək,Yeni Medianın cari inkişaf sürətini yerli və xarici mütəxəssislərin köməyilə artırmaq, bu sahədə beynəlxalq yenilikləri izləyərək onların yerli tətbiqinə kömək etməkdən ibarətdir.Təlim iştirakçılarına  nəzəri məlumatlarla yanaşı praktik məşğələlər də keçiriləcək.

İştirakçılar aşağıdakı mövzularda təlim keçəcəklər:

-Podkast nədir?
-Podkastın hazırlanma texnikası (səsin yazılması, montajı və s.)
-Audio faylın hazırlanması zamanı düzgün tələffüz qaydaları
-Audio bloqçuluq üçün gərəkli biliklər

Təlimdə iştirak etmək istəyənlər online ərizə formasını dolduraraq qeydiyyatdan keçə bilərlər: http://bit.ly/hfKt7W . Online ərizələrin son qəbul tarixi 16 fevral, saat 23:00-a qədərdir

Tarix: 18-19-20 fevral (18 fevral 14:00-18:00, 19-20 fevral 11:00-17:00)
Ünvan: Bakı Jurnalistika Məktəbi (Lider TV-nin yaxınlığında)

Əlavə məlumat  üçün [email protected] e-mail ünvanına müraciət edə bilərsiz.

xeberler.az/Ellada