“Azercell” və “Bakcell” şirkətlərinin də 3G lisenziyası alması məsələsinə baxılacaq”

02-12-2009 / 12:03

Azərbaycanın “Azercell” və “Bakcell” mobil rabitə operatorlarına 3G xidmətlərinin göstərilməsi üçün lisenziya verilməsinə müfaviq sənədlərin təqdim olunmasından sonra baxılacaq.

Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirovun APA-ya  verdiyi məlumata görə, bu şirkətlər lisenziyanın alınması üçün lazım olan sənədləri müvafiq qaydada təqdim etmədiyindən, onlara lisenziya ayrılmayıb.

Azərbaycan Nazirlər Kabineti «Fəaliyyət növlərinin xüsusiyyətindən asılı olaraq xüsusi razılıq (lisenziya) verilməsi üçün tələb olunan Əlavə Şərtlər»ə edilən əlavələrə əsasən, üçüncü nəsil mobil rabitə xidmətləri sahəsində fəaliyyətə lisenziya almaq üçün iddiaçı şəbəkənin istismara verilməsi mərhələləri, şəbəkədə istifadə olunacaq avadanlıqların texniki xarakteristikası, təşkil olunacaq xidmətlərin növləri və əhatə dairəsi, 3G eksperimental zonasının yaradılması təcrübəsi barədə məlumat və «Azərbaycan Respublikasının radiotezliklər spektrindən perspektiv istifadə planı»na uyğun olaraq radiotezliklərdən istifadənin mümkünlüyü barədə Radiotezliklər üzrə Dövlət Komissiyasının rəyini təqdim etməlidir. Lisenziyanın müəyyən edilmiş dəyəri 11 min manatdır.

Qeyd edək ki, tələb olunan sənədlərin əsas hissələrindən biri müvafiq radiotezliklərin mövcudluğudur. WIMAX texnologiyası fiksə olunmuş rejimdə (standart 802.16d) 1,5-11 Ghz diapazonunda, mobil rejimdə (standart 802.16e) 2-6 Ghz diapazonunda işləyir, 3G texnologiyaları isə 2 Ghz diapazonunda işləyir.
 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.