Mobil rabitə xidmətlərinə lisenziya şərtləri dəyişilib

11-12-2015 / 18:12

Azərbaycan Nazirlər Kabineti “Fəaliyyət növlərinin xüsusiyyətindən asılı olaraq xüsusi razılıq (lisenziya) verilməsi üçün tələb olunan əlavə Şərtlər”də dəyişikliklər edib.

Xeberler.az-ın məlumatına görə, dəyişikliklər rabitə xidmətlərinə lisenziya verilməsi üçün əlavə şərtlərlə əlaqədardır.

Bu Qaydada 3-cü nəsil (3G) mobil rabitə xidmətlərinə lisenziya verilməsi üçün tələb olunan əlavə şərtlər də yer alıb.  İndiyə qədər 3-cü nəsil (3G) mobil rabitə xidmətləri sahəsində fəaliyyət üçün lisenziya almaqla bağlı şəbəkənin istismara verilməsi mərhələləri barədə məlumat, şəbəkədə istifadə olunacaq avadanlıqların texniki xarakteristikası barədə məlumat, təşkil olunacaq xidmətlərin növləri və əhatə dairəsi barədə məlumat, 3G eksperimental zonasının yaradılması təcrübəsi barədə məlumat və Radiotezliklər üzrə Dövlət Komissiyası tərəfindən təsdiq edilmiş ”Azərbaycan Respublikasının radiotezliklər spektrindən perspektiv istifadə planı”na uyğun olaraq radiotezliklərdən istifadənin mümkünlüyü barədə Radiotezliklər üzrə Dövlət Komissiyasının rəyi tələb olunub.

Dəyişikliyə əsasən Qaydadan “3-cü nəsil (3G) mobil rabitə xidmətləri” ifadəsi ümumiyyətlə çıxarılıb və bu, “sellülar (mobil) - (texnoloji standartın adı göstərilməklə) rabitə xidməti” ifadəsi ilə əvəzlənib. Bununla əlaqədar tələb edilən şərtlərdən biri - 3G eksperimental zonasının yaradılması təcrübəsi barədə məlumatın tələb olunması siyahıdan çıxarılıb. 

Digər dəyişikliyə əsasən sellülar (mobil) - (texnoloji standartın adı göstərilməklə) rabitə xidməti üçün lisenziya alınması üçün şəbəkənin istismara verilməsi mərhələləri barədə məlumat deyil, tətbiq ediləcək texnoloji standart üzrə şəbəkənin istismara verilməsi mərhələləri barədə məlumat və qeyd olunan mərhələlər üzrə işlərin başa çatdırılması barədə zəmanət tələb olunacaq.

 Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə