TEXNOLOGİYA

Məlum olduğu kimi, Bakıda 1,5 illik fəaliyyət göstərən Uber paytaxt sakinləri və qonaqları arasında yüksək təlabata sahib olub. Hər keçən gün ölkəmizdə fəaliyyətini genişləndirən Uber bir sıra yeni xidmətlər təklif edib. 

Xeberler.az məlumat verir ki, bu dəfə  yeni texnologiya olan Uber-in qiyməti ilə şəxsi avtomobillərin qiyməti müqayisə edilib.

Şirkətin bununla bağlı apardığı sorğunun nəticəsini təqdim edirik:

Avtomobil eksperti Emin Mövsümov B və C sinfinə aid olan şəxsi avtomobil istifadəsinin orta illik xərclərini təqdim edib:

“Misal üçün, Hyundai Accent markalı avtomobil gün ərzində 40 km məsafə qət edir, yəni bir ay ərzində - 1 200 km. İl ərzində bu rəqəm 14 400 km təşkil edir. Eyni zamanda, avtomobilin yol vergisi də daxil olan texniki baxışdan keçməsi təxminən 20 manata, əyləc qəliblərinin dəyişdirilməsi isə 200 manata başa gəlir. Avtomobil sahibi il ərzində yol qaydalarını pozduğuna görə təxminən 150 manat cərimə ödəyir, avtomobilin yuyulmasına ildə 220 manat, şinlərin amortizasiyasına 100 manat, xırda təmir işlərinə 150 manat xərcləyir. Şəhər şəraitində hər 100 km-ə 10 litr, magistral yollarda isə 7 litr yanacaq sərfiyyatı hesablanarsa il ərzində benzinə xərclənən orta vəsait 870 manat təşkil edir”.

Daha ətraflı:

Avtomobilin amortizasiyası – 400 AZN

Benzin – 870 AZN

Yuyulma – 220 AZN

Xırda təmir işləri – 150 AZN

Cərimələr – 150 AZN

Texniki baxış – 20 AZN

Sığorta – 75 AZN

Əyləy qəliblərinin dəyişdirilməsi – 200 AZN

Şinlərin amortizasiyası – 100 AZN

Parkinq – 120 AZN

Yağ və yağ filtri – 195 AZN

Hava filtri – 50 AZN

Cəmi – 2 550 AZN

Eyni zamanda, Həzi Aslanov metro stansiyası yaxınlığında yaşayan və şəhərin mərkəzində (28 may metro stansiyası) işləyən sıravi vətəndaş üçün Uber xidməti vasitəsi ilə gedişin qiyməti 4-6 manat təşkil edir. Gündəlik orta xərc təxmini illik iş günlərinin sayına vurulsa (245 iş günü) 2 450 manat alınır.

Göründüyü kimi, şəxsi avtomobilə az xərc sərf etdikdə belə, qənayət 100 manat təşkil edir. Qeyd etmək lazımdır ki, avtomobil xərcləri hesablanarkən onun ciddi sıradan çıxması, “ayıq sürücü” xidməti, qəzalar və digər halları nəzərə alınmayıb. Beləliklə, real qənayət dəfələrlə çoxdur.

Bundan başqa, şəxsi avtomobil ilə gediş zamanı sürücü tez-tez stres yaşayır, bu isə sağlamlığa olduqca ziyandır. Servis vasitəsi ilə isə rahat gediş sinir sitemini qorumağa kömək edir.

Bir müddət öncə Uber Rusiyada servisin aktiv istifadəçiləri arasında innovativ xidmətin istifadəyə verilməsi onların nəqliyyat vərdişlərini nə cür dəyişdiyinə dair sorğu keçirib. Sorğunun nəticələrinə əsasən, Rusiyada aktiv Uber istifadəçilərinin 65%-nin şəxsi avtomobili mövcud deyil və onlar üçün Uber şəhərdaxili səyahət vasitəsinə çevrilib. Şəxsi avtomobilə malik olan və sorğuda iştirak edən insanların 60%-i qeyd edib ki, Uber yarandıqdan sonra avtomobillərindən daha az istifadə etməyə başlayıblar.Gələcəkdə avtomobil almağı planlaşdırdıqları barədə suala isə respondentlərin 56%-i mənfi cavab verib. Əsas səbəblər arasında narahatçılıq (sorğu iştirakçılarının 66%-i) və bahaçılıq (58%-i) yer alıb.

Xeberler.az