TEXNOLOGİYA

Bu gün Azərbaycanın KİV nümayəndələri ilə Bakıda keçirilən görüşdə Uber şirkətinin MDB ölkələri üzrə baş meneceri Aleksey Stax 2015-ci ilin aprel ayından etibarən ölkədə xidmət göstərən servisin fəaliyyətindan danışıb.

Xeberler.az-ın məlumatına görə, Aleksey Stax deyib ki, istifadəçilər Uber-i şəxsi avtomobilinə real alternativ kimi qəbul edir və gündəlik olaraq servisdən yararlanır:

“Biz əldə etdiyimiz nailiyyətlərlə fəxr edirik: iki il ərzində Uber minlərlə Bakı sakini üçün adi hərəkət vasitəsinə çevrilib, bizə həm istifadəçilər, həm də Uber ilə əməkdaşlıq imkanlarını layiqincə qiymətləndirən və bizimlə tərəfdaşlıq edən sürücülər etibar edirlər. Maraqlıdır ki, fəaliyyətimizin başlanğıcında istifadəçilərin əksəriyyəti hansısa xüsusi hallar üzrə səfər ediblər, bu gün isə biz görürük ki, bizim müştərilər Uber-i şəxsi avtomobilinə real alternativ kimi qəbul edir və gündəlik olaraq servisdən yararlanır”.

Uber-in Bakıdakı fəaliyyəti ilə bağlı statistika belədir:

-300 mindən çox yüklənən tətbiq

-Həftəlik yeni istifadəçi artımı

-Minlərlə sürücü-tərəfdaş

-Sürücülərin orta reytinqi: 5-dən 4,82

-Avtomobilin ünvana çatdırılmasının orta vaxtı: 4 dəqiqə

-İki servis: rahat və əlverişli “uberX” və daha bahalı premium ---UberSELECT

-İki növ ödəmə – nağd və nağdsız (akkaunta bağlanan kart vasitəsi ilə)

-UberELKA aksiyası zamanı Yeni il yolkalarının çatdırılmasına 70 mindən çox sorğu (2016-cı ilin dekabrı).

 Onun sözlərinə görə, Uber müasir şəhərlərin infrastrukturunun inkişafı, əlçatan və rahat taksi xidmətlərinin xeyrinə şəxsi avtomobildən imtinanı əsas istiqamət kimi görür:

“Həqiqətən, bu gün avtomobil ən bahalı satınalma olaraq (mənzildən sonra) vaxtının 96%-ni hərəkətsiz dayanır və bir qayda olaraq investisiyaların qaytarılmasını təmin etmir. Bəzi şəhər ərazilərinin təxminən 1/5 hissəsi avtomobillərin saxlanması üçün istifadə olunur, şəhər məkanının orta hesabla 15%-i avtomobilin saxlanılmasına ayrılır. Lakin bu yeganə olan problem deyil: avtomobillərin çoxluğu böyük tıxaclara səbəb olur: məsələn, Los-Ancelesdə və Sidneydə insanlar tıxaclara hər il təxminən iki iş həftəsi sərf edir. Daimi tıxaclar atmosferə atılan zərərli tullantıların səviyyəsini artırır – dünyada 22%-dək CO2 tullantıları nəqliyyatın payına düşür”.

O, problemin həllini  avtomobil sayının azaldılmasında görünür:

“ Bu, yollarda sıxlığın azalmasını təmin edəcək, CO2 tullantılarını azaldacaq, avtomobil dayanacaqları salınmış şəhər məkanının boşaldılmasına və şəhər infrastrukturunun ümumi yaxşılaşdırılmasına təsir edəcək – yeni parkların, uşaq meydançalarının və s. salınması. Biz əminik ki, bu gün Uber-in təhlükəsiz, sürətli və rahat gedişi ilə Bakı sakinləri öz şəxsi avtomobillərindən imtina edəcək. Siz avtomobili bir toxunuşla sifariş edə bilirsinizsə, onda öz şəxsi avtomobilinizə şəkilən xərclər nəyə lazımdır? Bu gün istifadəçilərin vərdişlərini dəyişdirilməsi ilə şəhəri həyat üçün daha rahat edə bilərik”.

Şirkət rəsmisi deyib ki,  Uber  bütün dünyada şəhərlərin həyatını yaxşıya doğru dəyişir

"Uber  istənilən vaxtında və istənilən nöqtəsinə tez və təhlükəsiz gediş təmin edərək vətəndaşların mobilliyini yaxşılaşdırır, iqtisadiyyat proseslərini tezləşdirir, şəhər mühütünü inkişaf etdirir. Bakı sakinləri Uber-i servisin rahatlığı (sifarişlərin tez qəbul olunması, tətbiqin intuitiv başa düşülən interfeysi), reytinq və rəy sistemi ilə təciz olunmuş dəyişilməyən keyfiyyət səviyyəsi və etibarlılığı (xəttə kifayət qədər avtomobilin olması, müştəri məmnuniyyəti xidməti) və təhlükəsizliyinə (tərəfdaşların seçimi və qiymətləndirilməsi, sistemin şəffaflığı – istifadəçilər əvvəlcədən sürücüdən və avtomobildən məlumat alırlar) görə seçir”.

Uber– şəxsi sürücü ilə avtomobillərin sifarişi üzrə mobil tətbiq hazırlamış beynəlxalq texnoloji şirkətidir.

Şirkət dünya üzrə 73 ölkənin 450-dən çox şəhərində xidmət göstərir. Azərbaycanda Uber 2015-ci ilin aprel ayından etibarən fəaliyyət göstərir.

Məltəm Talıbzadə